Soldier Rohit Chavan: आसोला खुर्द येथील रोहित चव्हाण यांना भारतीय सेनेतर्फे संमानित केले. त्यांना बॉम्बे इंजीनियरिंग ट्रेनिंग बटालियन-२ मध्ये शिकवण्यासाठी निवडले गेले आहे.
मानोरा (Soldier Rohit Chavan) : तालुक्यातील आसोला (खुर्द) येथील युवक रोहित विनोद चव्हाण यांची भारतीय सेना बॉम्बे इंजीनियरिंग ट्रेनिंग बटालियन-२, पुणे येथे यशस्वीपणे प्रशिक्षण पूर्ण करून सागर (मध्यप्रदेश) येथे देशसेवेसाठी निवड झाली आहे. या अभिमानास्प कामगिरीबद्दल मंगळवार दि. ३० जून रोजी संपूर्ण गावात भव्य मिरवणूक काढण्यात आली. ढोल-ताशांच्या गजरात, पुष्पवृष्टी करत, माल्यार्पण करून आणि फटाक्यांच्या आतिषबाजीत ग्रामस्थांनी रोहित चव्हाण यांचा शाल, श्रीफळ व पुष्पहार देऊन सन्मान केला.
सत्कार समारंभात रोहित चव्हाण (Soldier Rohit Chavan) यांनी गावातील युवकांना मार्गदर्शन केले. अनुशासन, प्रामाणिकपणा आणि समर्पणाच्या जोरावर ध्येयप्राप्तीसाठी सातत्याने मेहनत करावी. अपयशाला खचून न जाता सातत्याने अभ्यास करावा तसेच राष्ट्रहिताला सर्वोच्च प्राधान्य द्यावे, असा संदेश त्यांनी दिला. आपल्या यशाचे संपूर्ण श्रेय आई-वडील, गुरुजन आणि ग्रामस्थांचे सहकार्य व आशीर्वादाला देत रोहित यांनी सर्वांचे आभार मानले.
आसोला खुर्द गावातील सुपुत्राची भारतीय सैन्यात निवड झाल्याने संपूर्ण गावात आनंदाचे वातावरण असून गावकऱ्यांमध्ये अभिमानाची भावना जागृत झाली आहे. या सत्कार समारंभात गावातील प्रतिष्ठित नागरिक राजकुमार हेडा, उंदरू राठोड, भिकासिंग कसनू राठोड, गजानन राठोड, देवीसिंग जाधव, गोरासेनेचे लखन राठोड, उंदा राठोड, अंकुश जाधव, भोलासिंग राठोड, मिटवा राठोड, रमेश पवार, सचिन राठोड, विनोद चव्हाण, सविता चव्हाण, पुनम राठोड, सरूबाई राठोड, रंजना राठोड, गोपाल जाधव, सुरज जाधव, अतुल जाधव, आदीसह महिला व पुरुष मोठ्या संख्येने मिरवणुकीत सहभागी झाले होते.