Vijay Vasade honored: प्रख्यात कवी व गझलकार विजय वासाडे यांना पुणे येथे आयोजित एकदिवसीय साहित्य संमेलनात लोकशाहीर अण्णाभाऊ साठे विश्वबंधुता साहित्य पुरस्काराने सन्मानित केले गेले.
नागपूर/ पुणे (Vijay Vasade honored) : नुकतेच पुणे येथे विश्वबंधुता साहित्य परिषद व काषाय प्रकाशनाच्या वतीने एकदिवसिय साहित्य संमेलन स्वागताध्यक्ष शरयू पवार, संमेलनाध्यक्ष बंधुताचार्य प्रकाश रोकडे, महाराष्ट्राचे लाडके कवी प्रा.चंद्रकांत दादा वानखेडे, प्रसिद्ध व्याख्याते सुभाष वारे, कविसंमेलनाध्यक्ष गझलकार विनोद सावंत, यांच्या उपस्थितीत अतिशय उत्साहात पार पडले,
विजय वासाडे (Vijay Vasade) यांनी अल्पवधीतच साहित्यक्षेत्रात आपली दखलपात्र उपस्थिती नोंदवली असून ते अक्षरक्रांती फाऊंडेशन, चारोळी मंच, साहित्य सेवा कलामंडळ, बांधिलकी प्रतिष्ठान या आघाडीच्या साहित्य संस्थात सक्रिय आहेत.त्यांनी आतापर्यंत नागपुरात जागर मायमराठीचा यां शीर्षकांतर्गत दोन साहित्य संमेलनाचे यशस्वी आयोजन केले आहें. याप्रसंगी विजय वासाडे वं अन्य सर्व पुरस्कार्थी साहित्यिकांचे ज्येष्ठ कवी व समीक्षक प्रभाकर तांडेकर 'प्रदत्त', शंकर घोरसे, लीलाधर दवंडे, निकिता गावंडे, विद्या निनावे, हितेश गोमासे, राजेश माहूरकर, मोहन सोमलकर, राहुल गवस, सुभाष मानवटकर यांनी अभिनंदन करून पुढील वाटचालीकरिता शुभेच्छा दिल्या.