Electric wire accident: वसमत येथे विजेच्या खांबाला वाहनाने धडक दिल्याने विजेची तार तुटली. रस्त्यावर वीज प्रवाह सुरू असताना सुदैवाने कोणतीही दुर्घटना घडली नाही.
वसमत (Electric wire accident) : वसमत येथील बस स्थानकासमोर शनिवारी दुपारी वीज तुटून विजेची तार तुटून रस्त्यावर पडल्याने काही वेळ भीतीचे वातावरण होते विद्युत प्रवाह सुरू होता. सुदैवाने कोणतीही दुर्घटना घडली नाही वाहनाने विद्युत खांबाला धक्का दिल्याने तार तुटल्याचे समोर आले आहे. वसमत शहरातून जाणाऱ्या राष्ट्रीय महामार्गावर बस स्थानकासमोर शनिवारी दुपारी एका विजेच्या खांबाला वाहनाने धडक दिली. वाहनाच्या धक्क्याने खांबावरील विजेचे तार तुटून खाली पडली.
तार तुटल्याच्या वेळी वीज प्रवाह सुरू होता व रस्त्यावर वाहतूकही सुरू होती तारू तुटलेल्या परिसरात ऑटो रिक्षा व इतर वाहन उभी होती सुदैवाने कोणतीही दुर्घटना घडली नाही. विजेची तार तुटल्याने नागरिकांनी वीज वितरण विभागातील अधिकाऱ्यांना संपर्क साधला (Electric wire accident) वीज वितरण विभागाच्या कर्मचाऱ्यांनी वीज पुरवठा बंद करून रस्त्यावरील तार काढून राहणारी सुरळीत केली वीज वितरण विभागात संपर्क साधण्याची व्यवस्था नाही. एखादी घटना घडल्यानंतर तातडीने संपर्क साधला जाईल फोन उचलल्या जाईल याची खात्री नसते. अधिकाऱ्यांचे फोन व्यस्त असतात किंवा फोन उचलल्या जात नाहीत. नागरिकांच्या तक्रारीची नोंद घेण्यासाठी वीज वितरण विभागाने व्यवस्था करावी अशी मागणी होत आहे.