तिरुपती-अकोला साप्ताहिक एक्स्प्रेसला हिरवा झेंडा; 8 मे पासून कायमस्वरूपी धावणार

हिंगोली (Tirupati-Akola Express) : मराठवाड्यातील भाविकांसाठी खूशखबर. तिरुपती-अकोला-तिरुपती मार्गावर धावणारी विशेष रेल्वेगाडी क्रमांक 07605/06 आता कायमस्वरूपी करण्यात आली आहे. दक्षिण मध्य रेल्वेने या गाडीला नवीन क्रमांक 17429/30 देऊन साप्ताहिक एक्स्प्रेसचा दर्जा दिला आहे. 

रेल्वे मंत्रालयाच्या मंजुरीनंतर आज जारी करण्यात आलेल्या प्रेस रिलीझ (PR No. 64) नुसार, गाडी क्रमांक 17429 तिरुपती-अकोला एक्स्प्रेस दिनांक 8 मे 2026 पासून दर शुक्रवारी तिरुपतीहून दुपारी 12.25 वाजता सुटेल व दुसऱ्या दिवशी दुपारी 2.00 वाजता अकोला येथे पोहोचेल. परतीच्या मार्गावर गाडी क्रमांक 17430 अकोला-तिरुपती एक्स्प्रेस 3 मे 2026 पासून दर रविवारी सकाळी 8.10 वाजता अकोल्याहून सुटून सोमवारी सकाळी 8.30 वाजता तिरुपतीला पोहोचेल.

हिंगोली, वाशिमकरांना थेट फायदा

ही (Tirupati-Akola Express) गाडी काचीगुडा, निजामाबाद, नांदेड, पूर्णा, वसमत, हिंगोली डेक्कन व वाशिम मार्गे धावणार आहे. आतापर्यंत या भागातील प्रवाशांना तिरुपतीला जाण्यासाठी हैदराबाद किंवा इतर ठिकाणी जावे लागत होते. आता थेट सेवा सुरू झाल्याने तिरुमला दर्शनासाठी जाणाऱ्या हजारो भाविकांची मोठी सोय होणार आहे. व्यापारी व विद्यार्थ्यांनाही याचा लाभ होईल.

वेळापत्रक असे
तिरुपतीहून निघणारी गाडी हिंगोली डेक्कन स्थानकावर सकाळी 10.59 वाजता पोहोचून 11.00 वाजता पुढे निघेल. तर अकोल्याहून येणारी गाडी सकाळी 9.54 वाजता हिंगोलीत येऊन 9.55 वाजता तिरुपतीकडे रवाना होईल.

चार प्रकारचे डबे
या (Tirupati-Akola Express) गाडीला वातानुकूलित द्वितीय श्रेणी (2A), वातानुकूलित तृतीय श्रेणी (3A), शयनयान व जनरल सेकंड क्लासचे डबे असतील. लवकरच या गाडीचे आरक्षण IRCTC च्या संकेतस्थळावर सुरू होणार आहे. 

गाडीचे वेळापत्रक
*17429 तिरुपती-अकोला*    *शुक्रवार*    *दु. 12.25 सुटेल*
*17430 अकोला-तिरुपती*    *रविवार*    *स. 8.10 सुटेल*

अधिक माहितीसाठी प्रवाशांनी 139 या क्रमांकावर संपर्क साधावा असे आवाहन करण्यात आले आहे.