हिंगोलीच्या शासकीय वैद्यकीय महाविद्यालयात सर्पमित्राच्या मदतीने विषारी सापाची सुरक्षित सुटका

हिंगोली (Hingoli Sarpamitra Assistance) : हिंगोलीच्या शासकीय वैद्यकीय महाविद्यालया च्या एका वॉर्डमधील स्वच्छतागृहात बुधवारी २७ मे रोजी रोजी विषारी साप आढळून आला.  रुग्ण स्वच्छतागृहात गेला असता त्याला साप दिसला. त्यानंतर रुग्णालयाचे कर्मचारी सचिन रुपुरकर यांनी तात्काळ बाळू ढोके यांना कॉल करून कल्पना दिली. बाळू ढोके यांनी त्वरित सर्पमित्र विजयराज पाटील यांच्याशी संपर्क साधला. विजयराज पाटील यांनी घटनास्थळी येऊन सापाला सुरक्षितपणे पकडले.

यावेळी अनिकेत पेरीया, गजानन कांबळे आणि तोहीत शेख यांनीही सहकार्य केले.  सदर साप कोबरा जातीचा असून तो अस्सल विषारी असल्याचे सर्पमित्र विजयराज पाटील यांनी सांगितले. पकडल्यानंतर सापाला नैसर्गिक अधिवासात सोडून देण्यात आले. (Hingoli Sarpamitra Assistance) सचिन रुपुरकर यांनी दिलेल्या तातडीच्या माहितीमुळे आणि विजयराज पाटील, बाळू ढोके, अनिकेत पेरीया, गजानन कांबळे व तोहीत शेख यांच्या समयसूचकतेमुळे संभाव्य धोका टळला.