हिंगोली शहरातील प्रभाग क्रमांक ८ मध्ये १५ जुलै रोजी एसआयआर (SIR) फॉर्म भरण्यासाठी विशेष शिबिराचे आयोजन करण्यात आले.
राजस्थान व्यायाम शाळेत आयोजित शिबिरात ४०० नागरिकांनी भरले एसआयआर फॉर्म
हिंगोली : हिंगोली शहरातील प्रभाग क्रमांक ८ मध्ये १५ जुलै रोजी एसआयआर (SIR) फॉर्म भरण्यासाठी विशेष शिबिराचे आयोजन करण्यात आले. नगरसेवक कपिल खंडेलवाल आणि नगरसेविका डॉ. सुरभी भरत चौधरी पहेलवान यांच्या पुढाकारातून आयोजित करण्यात आलेल्या या शिबिराला नागरिकांचा उत्स्फूर्त प्रतिसाद मिळाला.
हिंगोली येथील राजस्थान व्यायाम शाळा येथे प्रभाग क्रमांक ८ मधील नागरिकांसाठी एसआयआर फॉर्म भरण्याचे शिबिर आयोजित करण्यात आले होते. यावेळी तहसिलदार श्रीकांत भुजबळ तसेच नगरपालिकेचे उपाध्यक्ष अब्दुल माबुद बागवान यांनी शिबिराला भेट देऊन कामकाजाची पाहणी केली आणि माहिती घेतली.
या शिबिरामध्ये सुमारे ४०० नागरिकांनी एसआयआर फॉर्म भरले. शिबिराच्या आयोजनासाठी घनशाम शर्मा, युवानेते सागर खंडेलवाल, राघव खंडेलवाल, सचिन शर्मा तसेच नगरसेवक कपिल खंडेलवाल मित्र मंडळाचे पदाधिकारी उपस्थित होते.
यावेळी कंदी, डोल्हारे, कोटकर, शिंदे, राजपूत, सोंडगीर आणि कल्याणकर या बीएलओंनी (BLO) मतदारांकडून एसआयआर फॉर्म भरून घेण्याचे काम केले.