शेगावात भीषण आग; ७ दुकाने भस्मसात, लाखोंचे नुकसान

शेगाव (Shegaon fierce fire) : शहरातील वाटिका चौपाटी परिसरात लागलेल्या भीषण आगीत सात दुकाने पूर्णतः जळून खाक झाली. घटनेनंतर परिसरात एकच खळबळ उडाली असून नागरिकांनी घटनास्थळी मोठी गर्दी केली. आगीची तीव्रता इतकी होती की काही मिनिटांतच सर्व दुकाने ज्वाळांनी वेढली गेली.

या (Shegaon fierce fire) आगीत कृष्णा पावभाजी, सप्तशृंगी पाणीपुरी, उमाळे पान सेंटर, पवार पंजाबी छोले सेंटर, झुणका भाकर, फास्ट फूड आणि मराठा छोले सेंटर ही दुकाने भस्मसात झाली. माहिती मिळताच अग्निशमन दलाने तात्काळ घटनास्थळी धाव घेत आग आटोक्यात आणली. मात्र, तोपर्यंत मोठे नुकसान झाले होते. युवा प्रमुख नागेश रोठे यांच्या मार्गदर्शनाखाली स्थानिकांनीही मदतकार्य केले. सुदैवाने या घटनेत कोणतीही जीवितहानी झाली नाही. आगीचे नेमके कारण अद्याप स्पष्ट झाले नसून, प्राथमिक अंदाजानुसार लाखो रुपयांचे नुकसान झाल्याचे सांगितले जात आहे.