रिसोडमध्ये अज्ञात वाहनाच्या धडकेत युवक ठार

रिसोड (Risod Youth Death) : अज्ञात वाहनाच्या धडकेत एक युवक ठार झाल्याची घटना दिनांक 10 मे रोजी रात्री 7:45 वाजता च्या दरम्यान रिसोड वाशिम मार्गावर चिखली नजीक असलेल्या परिवार धाब्याजवळ घडली. डिगांबर गोपीनाथ कापुरे वय 35 वर्ष राहणार सवड तालुका रिसोड असे (Risod Youth Death) मृतकाचे नाव असून सदर घटनेनंतर सवड गावात हळहळ व्यक्त केली जात आहे.

याबाबत माहिती अशी की, डिगांबर कापुरे हे आपल्या काही कामानिमित्ताने वाशिम च्या दिशेने जात असताना परिवार धाब्याजवळ एका अज्ञात वाहनाने त्यांना जबर धडक दिली. यावेळी ते रस्त्याने पायी चालत असल्याची माहिती मिळाली असून घटनेची माहिती (Risod Youth Death) मिळताच आसपास जवळील नागरिकांनी घटनास्थळी धाव घेत 108 वर कॉल करून ॲम्बुलन्स बोलावली व जखमी अवस्थेत डिगांबर कापुरे यांना वाशीम येथे रवाना करण्यात आले. मात्र वाशिम येथील रुग्णालयात डॉक्टरांनी तपासणी केल्यानंतर त्यांना मृत घोषित केले. याप्रकरणी अद्याप कोणत्याही प्रकारची तक्रार रिसोड पोलीस स्टेशनला दाखल झाली नाही.