रामटेक नगरपरिषदेची अतिक्रमणाविरोधी धडक कारवाई; नागरिकांकडून कौतुक

अतिक्रमणामुळे शहराच्या विद्रुपीकरणासह होत होता रहदारीस अडथळा
एक एक करून अतिक्रमण उपटून फेकण्याचा नगरपरीषदेचा सपाटा
बसस्थानक परिसरातून प्रारंभ, शहराच्या कोपऱ्यात होणार एंड

रामटेक (Ramtek Municipal Council) : प्रभु श्रीरामाच्या पदस्पर्शाने पावन झालेल्या तथा दुरवर ख्यातनाम असलेल्या रामटेक शहराला गेल्या काही वर्षांपासून अतिक्रमणाची जणु ' किड ' लागलेली होती. यामुळे शहराचे पुरते विद्रुपीकरण झालेले होते. भरीस भर म्हणजे शहराच्या काही भागात रहदारीस अडथळा निर्माण होवुन चक्क नगर परिषदेच्या, पोलिस प्रशाषणाच्या शासकीय वाहनांनाच वाहतुक सुरळीत होण्याची वाट पहात तात्कळत बसावे लागत असे. मात्र तरीसुद्धा आपल्या दुर्लक्षित व मलाईखाऊ धोरणामुळे तत्कालीन न.प. प्रशासनाने शहराला लागलेली ही अतीक्रमणाची किड उपटून फेकण्याचा साधा प्रयत्नही केला नाही. मात्र नुकत्याच पार पडलेल्या निवडणुकीत (Ramtek Municipal Council) नगर परिषदेमध्ये नविन बॉडी बसली आणि या बॉडीला आपल्या सक्तीच्या कार्यप्रणालीने नेहमीच चर्चेत असलेल्या महीला मुख्याधिकाऱ्यांची साथ मिळाल्याने जवळपास आजपर्यंतची अतिक्रमण विरोधी सर्वात मोठी कारवाई रामटेक शहरात राबविण्यात येत आहे. तेव्हा नागरीक, व्यावसायिक तथा पदाधिकाऱ्यांकडून या अतिक्रमण विरोधी कारवाईचे कौतुक केल्या जात आहे.

नागरीक, व्यावसायीक तथा पदाधिकाऱ्यांनी मांडले दिलखुलास मत

उल्लेखनिय म्हणजे, काही अतिक्रमण धारकांनी तर चक्क ' शासकिय जागेला अपनाही माल ' समजून सिमेंट, रेती, टिनपत्राचे पक्के बांधकाम केलेले होते. काहींनी आठ ते दहा फुट तर काहींनी विस ते पंचेविस फुट जागा स्थायी स्वरूपाचे पक्के बांधकाम करून शासकिय जागा हस्तगत केली होती. (Ramtek Municipal Council) परिणामस्वरूप या व्यावसायिकांकडे येणाऱ्या ग्राहकांची वाहने अर्ध्या रस्त्यापर्यंत उभी राहात होती व त्यामुळे रहदारीस मोठा अडथळा निर्माण होत होता. एवढे होत असतांनाही मात्र असे उलट बुद्धी व्यावसायिक आपल्याकडे येणाऱ्या ग्राहकांना साधे वाहने हटवा असेही म्हणत होते.

नागरीक, व्यावसायिक व पदाधिकाऱ्यांनी मांडलेली मते:

१) कारवाईचे मी समर्थन करीत असून ती योग्यच आहे, नाहीतर येथे बेशिस्तपणा तोंड वर काढेल, तसेच छोट्या दुकानदारांना अस्थायी, फिरते दुकान गाडी तयार करण्यासाठी शासनाने अर्थसहाय्य करायला पाहजे - ऋषीकेश किंमतकर, व्यावसायिक तथा सचिव समर्थ शिक्षण मंडळ 

२) अतिक्रमण विरोधी कारवाईचे मी समर्थन करतो. ती योग्यच आहे. येथे बॉम्बे स्टाईल झाले पाहिजे, सकाळी दुकान लावा, दिवसभर धंदा करा आणि रात्रीच्या वेळेस दुकान सोबत घेऊन जा - सुमीत कोठारी - व्यावसायिक तथा विद्यमान नगरसेवक 

३) कारवाईचे मी समर्थन करतो, ती योग्यच आहे फक्त नगरपरिषद प्रशासनाने व्यापाऱ्यांचा व्यापार लक्षात घेऊन व त्यांच्याशी हितगुज साधून अतिक्रमण कारवाई करावी, कुण्या छोट्या-मोठ्या दुकानदारांचे नुकसान होऊ नये, त्यांचा व्यापार बंद पडू नये याबाबतही थोडा नगरपरिषद प्रशासनाने विचार करावा - संजय मुलमुले भाजप जिल्हा उपाध्यक्ष 

 ४) रस्त्यावरील अतिक्रमणामुळे रहदारीस त्रास होतो त्यामुळे अतिक्रमण निघावे; परंतु तत्कालीन नगर प्रशासनाने केलेल्या चुकांमुळे सामान्य नागरिक व व्यावसायिक अडचणीत येऊ नयेत याची काळजी प्रशासनाने घ्यावी. तसेच अतिक्रमण मोकळे करण्याची मोहीम कुठलाही वैयक्तिक वा पक्षीय भेदभाव न करता झाली पाहिजे. तसेच मोकळे केलेले (Ramtek Municipal Council) अतिक्रमण हे पुन्हा होऊ नये याचीही दक्षता प्रशासनाने घ्यावी - विवेक तोतडे संयोजक(अध्यक्ष), अभियंता आघाडी, भाजपा, नागपुर ग्रामिण(रामटेक) 

दुसरे एक विशेष म्हणजे गेल्या दहा पंधरा वर्षांपुर्वी आपल्या सक्तीच्या कार्यप्रणालीमुळे संपूर्ण जिल्ह्यात चर्चेत असलेल्या माधुरी मडावी नामक महिला मुख्याधिकारी रामटेक नगर परिषदेला रूजु झालेल्या होत्या. त्यांनी सुद्धा त्यावेळी रामटेक शहर अतीक्रमणमुक्त करण्यासाठी अतिक्रमणधारकांच्या विरोधात मोठ्या कारवाईचा बडगा उगारला होता मात्र तत्कालीन न.प. पदाधिकाऱ्यांनी या कारवाईत मुख्याधिकाऱ्यांना साथ देण्याऐवजी त्यांच्याच विरोधात आंदोलन करून कदाचीत व्होटबँक वाचविण्यासाठी शहराचे विद्रुपीकरण होणे, रहदारीस अडथळे निर्माण होवु देणे पसंत केले होते.