Awarded Sunil Devda: पुणे येथे बँकिंग क्षेत्रातील महत्त्वपूर्ण योगदानासाठी सुनील देवडा यांना पुरस्काराने सन्मानित करण्यात आले. हा पुरस्कार बँकिंग क्षेत्रातील सहकार, नेतृत्व आणि समाज
हिंगोली (Awarded Sunil Devda) : आज 29 मे रोजी पुणे येथे “बँकिंग : काल, आज आणि उद्या” या विशेष कार्यक्रमात बँकिंग क्षेत्रातील उल्लेखनीय योगदानाबद्दल बँकेचे उपाध्यक्ष सुनील देवडा यांना पुरस्काराने सन्मानित करण्यात आले. हा क्षण केवळ त्यांच्यासाठीच नव्हे तर संपूर्ण बँक परिवारासाठी अभिमानाचा आणि आनंदाचा ठरला. एखाद्या व्यक्तीचा सन्मान हा केवळ त्या व्यक्तीचा नसून त्यामागे असलेल्या प्रामाणिक मेहनतीचा, दूरदृष्टीचा आणि समाजाप्रती असलेल्या बांधिलकीचा गौरव असतो. (Sunil Devda) सुनील देवडा यांनी आपल्या कार्यातून सहकार आणि बँकिंग क्षेत्रात निर्माण केलेला विश्वास आज या सन्मानाच्या रूपाने सर्वांसमोर आला आहे. त्यांच्या नेतृत्वाने बँकेला प्रगतीच्या नव्या उंचीवर नेऊन ठेवले आहे.
या गौरवशाली सोहळ्याला रिझर्व्ह बँक ऑफ इंडियाचे संचालक सतीश मराठे, एम एसी बँकेचे प्रशासकीय अध्यक्ष विद्याधर आनासकर, नॅफकॅब फेडरेशन दिल्लीचे उपाध्यक्ष सीए मिलिंद काळे यांच्यासह बँकिंग व सहकार क्षेत्रातील अनेक मान्यवर उपस्थित होते. यावेळी संचालक ज्ञानेश्वर मामडे हे देखील आवर्जून उपस्थित होते.
हा पुरस्कार म्हणजे एका व्यक्तीच्या यशाची कहाणी नसून सहकार, समर्पण आणि सेवाभाव यांचा विजय आहे. (Sunil Devda) सुनील देवडा यांच्या कार्यातून अनेकांना प्रेरणा मिळत राहो व ते अशाच यशाच्या शिखरावर सतत विराजमान राहोत, अशा सदिच्छा यावेळी मान्यवरांनी व्यक्त केल्या. सुनील देवडा यांचे हार्दिक अभिनंदन आणि उज्ज्वल भविष्यासाठी अनंत शुभेच्छा देण्यात आल्या आहेत.