कैफे मुंबई येथे ध्वनीप्रदूषणावरून राडा; कर्णकर्कश आवाजामुळे नागरिकांना त्रास

छत्रपती संभाजीनगर (Cafe Mumbai Rada) : जिल्ह्यातील नंद्राबाद येथील कैफे मुंबई येथे ध्वनीप्रदूषणावरून राडा झाल्याची घटना समोर आली आहे. शहरातील काही हुल्लडबाज युवकांनी दुचाकीवरून मोठ्या आवाजात ध्वनीप्रदूषण करत परिसरात त्रास निर्माण केल्याचे सांगितले जात आहे..

नंद्राबाद गावात मोठ्या प्रमाणावर वृद्ध नागरिक वास्तव्यास असून, अशा प्रकारच्या कर्णकर्कश आवाजामुळे त्यांना त्रास सहन करावा लागत असल्याची नागरिकांची तक्रार आहे. संबंधित युवक हे कैफे मुंबई (Cafe Mumbai Rada) येथे येणारे ग्राहक असल्याचे सांगितले जात असले, तरी त्या ठिकाणी त्यांच्या वर्तनावर कोणताही आक्षेप घेतला गेला नव्हता.

दरम्यान, सामाजिक कार्यकर्ते ऋषिकेश बोढके यांनी पुढाकार घेत ही बाब खुलताबाद पोलीस ठाण्याच्या अधिकाऱ्यांच्या निदर्शनास आणून दिली. बिट अंमलदार झाकीर सर आणि सदावर्ते सर यांच्याशी संपर्क साधल्यानंतर पोलीस पथक तातडीने घटनास्थळी दाखल झाले. (Cafe Mumbai Rada) पोलिसांनी वेळीच हस्तक्षेप करत परिस्थिती नियंत्रणात आणली असून, या प्रकरणी पुढील कारवाई खुलताबाद पोलीस करत आहेत.