Breaking News

३१ जिल्ह्यांना पावसाचा इशारा; मान्सून राज्याच्या दारात.
पुणेकरांसाठी आनंदाची बातमी – हिंजवडी ते शिवाजीनगर मेट्रोच्या पहिल्या टप्प्याच्या उद्घाटनाची तयारी सुरू झाली आहे.
अमरावती मनपाची मोठी कारवाई – थकीत कर वसुलीसाठी दोन मालमत्ता सील करण्यात आल्या. प्रशासनाने कठोर भूमिका घेतली आहे.
मुंबईतील विकासकामांचा मुख्यमंत्री देवेंद्र फडणवीस आढावा घेणार – पावसाळ्यापूर्वी महापालिकेच्या विविध प्रकल्पांची पाहणी होणार आहे.
पुण्यातील कुख्यात गुंड निलेश घायवळचा भाऊ सचिन घायवळ अटकेत – राजस्थानमधून पोलिसांनी त्याला ताब्यात घेतले. तो अनेक महिन्यांपासून फरार होता.
अकरावी प्रवेश प्रक्रिया (FYJC) – दुसऱ्या नियमित प्रवेश फेरीचे वेळापत्रक जाहीर; ६ जूनपासून विद्यार्थ्यांना पसंतीक्रम बदलण्याची संधी मिळणार.
महाराष्ट्रातील पावसाचा अंदाज – हवामान विभागाच्या प्राथमिक अंदाजानुसार राज्यातील बहुतांश भागात यंदा सरासरीपेक्षा कमी पावसाची शक्यता व्यक्त.
कच्च्या तेलाच्या वाढत्या किमती, कमकुवत रुपया आणि पावसाच्या अनिश्चिततेमुळे RBI ने महागाईचा अंदाज वाढवला.
नैर्ऋत्य मान्सून केरळमध्ये दाखल; महाराष्ट्रात पुढील काही दिवसांत प्रगतीची शक्यता, मात्र एल निनोचा प्रभाव चिंतेचा विषय.

होम > आपले शहर > मराठवाडा > परभणी

परभणी विनयभंग प्रकरण

परभणीत विनयभंग, मारहाण प्रकरणातील आरोपींचा अपील फेटाळला

Parbhani molestation case: परभणीत विनयभंग व मारहाण प्रकरणातील आरोपींनी दाखल केलेले अपील जिल्हा व सत्र न्यायालयाने फेटाळून, दिवाणी न्यायालयाने सुनावलेली शिक्षा कायम ठेवली आहे.

By:
देशोन्नती वृत्तसंकलन »
May 11 2026 08:19:19 PM

परभणीत विनयभंग मारहाण प्रकरणातील आरोपींचा अपील फेटाळला

Parbhani molestation case |

जिल्हा व सत्र न्यायालयाचा निकाल; सक्त मजुरीसह दंडाची शिक्षा कायम

परभणी (Parbhani molestation case) : विनयभंग व मारहाणीच्या प्रकरणात दोषी ठरविण्यात आलेल्या आरोपींनी दाखल केलेले अपील जिल्हा व सत्र न्यायालयाने फेटाळून लावत दिवाणी न्यायालयाने सुनावलेली शिक्षा कायम ठेवली आहे.

याबाबत मिळालेल्या माहितीनुसार, पीडित महिलेने १२ मार्च २०१८ रोजी परभणी ग्रामीण पोलीस ठाण्यात दिलेल्या जबाबात नमूद केले होते की, सकाळी घरासमोरील अंगण झाडत असताना आरोपी कल्याण शेषराव लांडे हा तिच्याजवळ आला आणि तिला जबरदस्तीने घरात नेऊन विनयभंग केला. आरडाओरड करू नये म्हणून तिचे तोंड दाबून झटापट केली. त्यावेळी पीडितेचा पती तेथे आला असता आरोपीने त्यास शिवीगाळ करून लोखंडी रॉडने मारहाण केली. त्यानंतर आरोपीचे वडील शेषराव लांडे व अर्जुन लांडे यांनीही लाकडी दांड्याने पीडिता व तिच्या पतीस मारहाण केल्याचे फिर्यादीत नमूद करण्यात आले होते.

या (Parbhani molestation case) प्रकरणी परभणी ग्रामीण पोलीस ठाण्यात गुन्हा दाखल करण्यात आला होता. पोह वाय. एम. खान यांनी तपास करून आरोपीविरुद्ध दोषारोपपत्र मुख्य न्यायदंडाधिकारी न्यायालयात दाखल केले. मुख्य न्यायदंडाधिकारी यांनी २ सप्टेंबर २०२१ रोजी आरोपी कल्याण शेषराव लांडे यास एक वर्ष सक्तमजुरी व तसेच १ हजार रुपये दंडाची शिक्षा सुनावली होती. तर आरोपी शेषराव आश्रोबा लांडे व अर्जुन शेषराव लांडे यांना चांगल्या वर्तणुकीच्या बंधपत्रावर समज देत नुकसानभरपाई देण्याचे आदेश दिले होते. या निर्णयाविरोधात आरोपींनी जिल्हा व सत्र न्यायालय, परभणी येथे अपील दाखल केले होते.

सदर प्रकरणाची (Parbhani molestation case) सुनावणी जिल्हा व सत्र न्यायाधीश-१ एन. आर. नाईकवाडे यांच्या न्यायालयात झाली. सरकार पक्षातर्पेâ अ‍ॅड. आनंद गिराम यांनी बाजू मांडली. दोन्ही बाजूंचा युक्तिवाद ऐकल्यानंतर न्यायालयाने शुक्रवार ८ मे रोजी आरोपींचे अपील फेटाळून लावत दिवाणी न्यायालयाचा निर्णय कायम ठेवला. या खटल्यात मुख्य सरकारी अभियोक्ता अ‍ॅड. ज्ञानोबा दराडे यांच्या मार्गदर्शनाखाली अ‍ॅड. आनंद गिराम यांनी काम पाहिले. तसेच पोलीस अधीक्षक पंकज कुमावत, अप्पर पोलीस अधीक्षक सुरज गुंजाळ यांच्या मार्गदर्शनाखाली कोर्ट पैरवी अधिकारी पोउपनि सुरेश चव्हाण, पोह वैशाली बिंडे, वंदना आदोडे, धबडगे यांनी काम पाहिले.