परभणीत आरोपींना पकडण्यासाठी गेलेल्या पोलिसांवर दगडफेक

परभणी शहरातील साखला प्लॉट भागातील घटना कोतवाली पोलिसात गुन्हा दाखल...!

परभणी (Parbhani police Stone-pelting) : निजामाबाद येथील पोलीस ठाण्यात दाखल असलेल्या गुन्ह्यामध्ये आरोपींच्या शोधासाठी पोलिसांचे पथक परभणी येथे आले होते. या पथकाला मदतीस म्हणून स्थानिक गुन्हे शाखेचे अधिकारी, कर्मचारी देखील होते. शहरातील साखला प्लॉट येथे आरोपींना ताब्यात घेतल्यावर जमलेल्या बेकायदेशीर जमावाने पोलिसांवर दगडफेक करत शासकीय कामात अडथळा केला. ही घटना बुधवार १७ जून रोजी मध्यरात्रीच्या सुमारास घडली. या प्रकरणी कोतवाली पोलिसात गुन्हा दाखल करण्यात आला आहे.

पोउपनि. नारायण दुधाटे यांनी फिर्याद दिली आहे. निजामाबाद आणि परभणी स्थानिक गुन्हे शाखेचे पथक साखला प्लॉट येथे आरोपींच्या शोधासाठी गेले होते. या पथकाने काही आरोपींना ताब्यात घेतले. त्यांना गाडीमध्ये बसवत असताना आरोपीच्या नातेवाईकांनी पोलिसांच्या गाडी जवळ येऊन जोरजोरात आरडा ओरड केली. शिवीगाळ करत पोलीस पथकावर दगडफेक केली. सुदैवाने या (Parbhani police Stone-pelting) घटनेत कोणताही अंमलदार जखमी झाला नाही. हातात तलवार फिरवत आरोपींना पळवून जाण्यास मदत करण्यात आली.

या प्रकरणी आवतार सिंग टाक, करणसिंग टाक, कृष्णासिंग टाक, अनिता टाक, संगीता कौर, मिराबाई टाक, निकिता टाक, गगनसिंग टाक, जोगिंदर सिंग टाक, कालूसिंग टाक यांच्यावर गुन्हा नोंद झाला आहे.