परभणीत अत्यावश्यक सुविधा वगळता गंगाखेड शहर कडकडीत बंद

वंचित बहुजन आघाडीच्या महाराष्ट्र बंदला व्यापाऱ्यांचा उत्स्फूर्त प्रतिसाद...!

परभणीत (Gangakhed Shutdown) : गंगाखेड तालुक्यात वंचित बहुजन आघाडीने दिल्लीतील लाठी हल्ला घटनेच्या निषेधार्थ गुरुवार रोजी पुकारलेल्या महाराष्ट्र बंदला व्यापाऱ्यांनी उत्स्फूर्त प्रतिसाद देत कडकडीत बंद पाळला.

दिल्लीतील जंतरमंतर मैदानावर आंदोलन करणाऱ्या विद्यार्थ्यांवर दिल्ली पोलिसांकडून करण्यात आलेल्या कथित लाठीहल्ल्याच्या निषेधार्थ वंचित बहुजन आघाडीचे अध्यक्ष अॅड. प्रकाश (बाळासाहेब) आंबेडकर यांनी गुरुवार २३ जुलै रोजी महाराष्ट्र बंदची हाक दिली होती. या बंदला गंगाखेड शहरातील व्यापारी व नागरिकांनी उत्स्फूर्त प्रतिसाद दिल्याने किरकोळ फळे व भाजीपाला विक्री तसेच अत्यावश्यक सेवा वगळता शहरातील बाजारपेठ कडकडीत बंद होती.

बंदच्या पार्श्वभूमीवर शहरातील विविध भागांतील व्यापाऱ्यांनी आपली दुकाने बंद ठेवून बंदला पाठिंबा दर्शविला. या दरम्यान शहरातील डॉ. बाबासाहेब आंबेडकर यांच्या पूर्णाकृती पुतळ्याजवळ वंचित बहुजन आघाडीसह अन्य समविचारी पक्ष व संघटनांचे पदाधिकारी व कार्यकर्ते एकत्र जमले व त्यांनी यावेळी दिल्लीतील विद्यार्थ्यांवरील लाठीहल्ल्याचा निषेध नोंदवत जोरदार घोषणाबाजी केली. (Gangakhed Shutdown) बंद दरम्यान शहरात कोणताही अनुचित प्रकार घडू नये यासाठी गंगाखेड पोलीस ठाण्याचे पोलीस निरीक्षक श्रीकांत डोंगरे यांनी चोख पोलीस बंदोबस्त ठेवला होता.