परभणीत अंघोळीसाठी गोदापात्रात उतरलेल्या तरुणाचा मृत्यू

पालम तालुक्यातील फळा येथील घटना..

परभणी (Deserving youth Death) : पालम तालुक्यात अंघोळीसाठी गोदापात्रात उतरलेल्या एका तरुणाचा पाण्यात बुडून मृत्यू झाला. सदर घटना पालम तालुक्यातील फळा येथे २४ नोव्हेंबर रोजी घडली. या प्रकरणी पालम पोलिसात अकस्मात मृत्युची नोंद करण्यात आली आहे. सदर तरुण हा फळा येथे देवदर्शनासाठी आला होता.

नागोराव परसराम तावडे यांनी खबर दिली आहे. शामसुंदर परसराम तावडे वय २८ वर्ष, असे मयताचे नाव आहे. सदर तरुण हा नांदेड जिल्ह्यातून फळा येथे देवदर्शनासाठी आला होता. गोदावरी नदीपात्रात अंघोळ करण्यासाठी पाण्यात उतरला असता पोहता येत नसल्याने व पाण्याच्या खोलीचा अंदाज न आल्याने त्याचा पाय घसरुन खोल पाण्यात बुडाला त्यातच तरुणाचा मृत्यू झाला. पालम पोलिसात अकस्मा मृत्युची नोंद (Deserving youth Death) करण्यात आली आहे. तपास पोह. कांगणे करत आहेत.

किडनीच्या आजाराने महिलेचा मृत्यू
परभणी : किडनीच्या आजाराने त्रस्त असलेल्या एका महिलेचा उपचारा दरम्यान मृत्यू झाला. या प्रकरणी २४ मे रोजी बोरी पोलिसात अकस्मात मृत्युची नोंद करण्यात आली आहे. विलास वैरागड यांनी खबर दिली आहे. पूजा वैरागड वय ३० वर्ष, असे मयत महिलेचे नाव आहे. तपास पोह. कोकाटे करत आहेत.