Parampujya Convent Results: घोट येथील परमपूज्य कॉन्व्हेंट स्कूलने २०२६च्या माध्यमिक शालांत परीक्षेत सलग पाचव्या वर्षी १०० टक्के निकालाची परंपरा कायम राखली.
सर्व १७ विद्यार्थी प्राविण्य श्रेणीत उत्तीर्ण
घोट (Parampujya Convent Results) : घोट येथील परमपूज्य कॉन्व्हेंट स्कूलने मार्च २०२६ मध्ये घेण्यात आलेल्या माध्यमिक शालांत (दहावी) परीक्षेत सलग पाचव्या वर्षीदेखील १०० टक्के निकालाची परंपरा कायम राखत उल्लेखनीय यश संपादन केले आहे. शाळेच्या (Parampujya Convent Results) या यशामुळे परिसरात आनंदाचे वातावरण निर्माण झाले असून सर्व स्तरातून विद्यार्थ्यांवर अभिनंदनाचा वर्षाव होत आहे. यंदा शाळेतील एकूण १७ विद्यार्थी परीक्षेला प्रविष्ट झाले होते. विशेष बाब म्हणजे सर्वच्या सर्व १७ विद्यार्थी प्राविण्य श्रेणीत उत्तीर्ण झाले. विद्यार्थ्यांनी मिळविलेल्या घवघवीत यशामुळे शाळेच्या शैक्षणिक गुणवत्तेची पुन्हा एकदा प्रचिती आली आहे.
इयत्ता दहावीमध्ये अनुश्री आनंद बाला व तन्वी राजेशम अंबीलपु यांनी प्रत्येकी ९०.२० टक्के गुण मिळवत संयुक्तरीत्या शाळेत प्रथम क्रमांक पटकाविला. तसेच यश शुभंकर हलदार याने ८२.४० टक्के गुणांसह द्वितीय क्रमांक मिळविला, तर अर्पिता अश्वीन जयदार हिने ८१.८० टक्के गुणांसह तृतीय क्रमांक संपादन केला. याशिवाय (Parampujya Convent Results) आयुष केशव राठोड याने ७८.८० टक्के तर भूमी अमरिश बोष हिने ७८.६० टक्के गुण मिळवत विशेष यश प्राप्त केले. सर्व यशस्वी विद्यार्थ्यांचा शाळेचे प्राचार्य अशोक कांचा यांच्या हस्ते पुष्पगुच्छ देऊन सत्कार करण्यात आला. यावेळी संतोष कांचा, रंजित खेडकर, शांताराम कुनघाडकर, शिवानी विश्वास, जयेद शेख यांच्यासह शाळेतील शिक्षक व शिक्षकेत्तर कर्मचारी उपस्थित होते.