नागपुरात व्यसनमुक्ती जनजागृतीसाठी प्रभावी पथनाट्य

नागपूर (Addiction Awareness) : नागपुरातील न्यू अमर नगर परिसरात रिफ्रेश व्यसनमुक्ती उपचार केंद्र (लेडीज अँड जेन्ट्स), कल्पतरू नगर यांच्या वतीने व्यसनमुक्ती जनजागृतीसाठी प्रभावी पथनाट्य सादर करण्यात आले. या उपक्रमाद्वारे समाजात व्यसनमुक्तीबाबत जागरूकता (Addiction Awareness) निर्माण करण्याचा महत्त्वपूर्ण प्रयत्न करण्यात आला. या पथनाट्याची संकल्पना व मार्गदर्शन संचालिका सौ. प्रांजली ताल्हन (वांढरे) यांनी केले. तसेच मातृ सेवा संघ इन्स्टिट्यूट ऑफ सोशल वर्क येथील एम.एस.डब्ल्यू. अंतिम वर्षाच्या विद्यार्थ्यांनी मोठ्या उत्साहाने सहभाग घेतला.

न्यू अमर नगर परिसरात नागरिकांकडून कौतुक, व्यसनमुक्तीचा संदेश व्यापक करण्याचा निर्धार

पथनाट्यात स्नेहल दखने, प्रियंका वैद्य, सोनाली कांबळे, प्रियंका लोहकरे, निखिल राऊत, विश्वजित भुजाडे, अश्विन भलावी आणि हितांशी वांढरे यांनी प्रभावी भूमिका साकारून व्यसनमुक्तीचा संदेश थेट नागरिकांपर्यंत पोहोचवला. पथनाट्याचे दिग्दर्शन समुपदेशक अनंत घुलक्षे यांनी केले असून, (Addiction Awareness) उपक्रमाच्या यशस्वितेसाठी रिफ्रेश केंद्राचे कर्मचारी रोहित येतने यांचेही मोलाचे सहकार्य लाभले. या प्रसंगी उपस्थित नागरिकांनी पथनाट्याचे मनापासून कौतुक करत व्यसनमुक्तीचा संदेश समाजात अधिक व्यापक करण्याचा निर्धार व्यक्त केला. एकूणच, हा जनजागृती उपक्रम यशस्वीरीत्या पार पडला.