...अखेर आ. संतोष बांगर यांच्या मध्यस्थीने मेथा येथे वयोवृद्ध महिलेवर अंत्यसंस्कार

हिंगोली (MLA Santosh Bangar) : औंढा नागनाथ तालुक्यातील मेथा येथे आ. संतोष बांगर (MLA Santosh Bangar) यांनी प्रशासनाला व सोलार प्लांट वाल्यांना धारेवर धरत मयत बायनाबाई नामदेव सावळे या महिलेचा दिवसभर राखलेला अंत्यविधी ९ एप्रिल गुरुवार रोजी पार पडला.

औंढा नागनाथ तालुक्यातील मेथा येथे सौर उर्जा प्रकल्पासाठी देण्यात आलेल्या जागेमुळे स्मशानभूमीचा प्रश्न गंभीर झाला आहे. गावातील वयोवृद्ध महिलेच्या निधनानंतर अंत्यसंस्कारा साठी जागा नसल्याने गावकऱ्यांतून संताप व्यक्त केला जात आहे. मेथा येथील बायनाबाई नामदेव सावळे वय ८० यांचे शुक्रवारी निधन झाले गावात पिढ्यानपिढ्या असलेल्या स्मशानभूमीची जागा सौर उर्जा प्रकल्पासाठी देण्यात आल्याने अंत्यसंस्काराचा प्रश्न निर्माण झाला गावकऱ्यांनी येथेच अंत्यसंस्कार करण्याचा निर्णय घेतला.

हि माहिती कंपनीच्या प्रतिनिधींनी समजताच त्यांनी पोलीस प्रशासन व तहसील कार्यालयास कळवले त्यानंतर संबंधित अधिकाऱ्यांनी हि जागा प्रकल्पास दिल्याचे सांगत अंत्यसंस्कारास नकार दिला. गावकऱ्यांनी आ. संतोष बांगर यांना ही गंभीर बाब सांगताच आ. बांगर (MLA Santosh Bangar) यांनी मेथा येथे धाव घेत जिल्हाधिकाऱ्यासह तहसीलदार व पोलीस प्रशासनाला धारेवर धरत मृतदेहाची अवहेलना केल्यास गाठ माझ्याशी आहे तसेच गोरगरीब जनतेसाठी मी माझ्या अंगावर गुन्हे घ्यायला देखील तयार आहे अशी भूमिका घेत मयत बायनाबाई सावळे यांचा दिवसभर रखडलेला अंत्यविधी स्वतः गावकऱ्यांच्या मदतीने पार पाडला.

आ. बांगर (MLA Santosh Bangar) यांनी प्रशासनाशी चर्चा केली. संबंधित जागा पारंपरिक स्मशानभूमी असल्याचा मुद्दा उपस्थित करत त्यांनी मध्यस्थी ली. त्यांच्या हस्तक्षेपानंतर त्या ठिकाणी अंत्यसंस्कारास परवानगी मिळाली आणि प्रश्न निकाली निघाला. या घटनेने स्मशानभूमीचा कायमस्वरूपी प्रश्न ऐरणीवर आला आहे. २५ मार्च रोजी पाहणी होऊनही प्रशासनाने ठोस निर्णय घेतला नसल्याचा आरोप ग्रामस्थांनी केला आहे.