Parbhani Child Death: सोनपेठ येथील जुन्या मारोती मंदिराजवळ असलेल्या विहीरीत गेलेल्या रमण गौतम कांबळे याने पाण्याचा अंदाज न आल्यामुळे बुडून मृत्यू झाला.
सोनखेड परिसरामधील घटना; अकस्मात मृत्यूची नोंद
परभणी (Parbhani Child Death) : सोनपेठ येथील विहिरीत पोहण्यासाठी गेलेल्या मुलाला पाण्याचा अंदाज न आल्याने बुडून मृत्यू झाला. ही घटना सोमवार १५ जून रोजी सकाळी घडली. या प्रकरणी सोनपेठ पोलिसात अकस्मात मृत्यूची नोंद करण्यात आली आहे.
रमण गौतम कांबळे वय - १६ वर्ष, रा.दहीखेड ता.सोनपेठ असे मयत मुलाचे नाव आहे. या घटनेबाबत अधिक माहिती अशी की, रमण कांबळे हा सोनपेठ शहरातील सोनखेड परिसरात जुन्या मारोती मंदिराजवळ असलेल्या विहिरीमध्ये पोहण्यासाठी गेला होता. परंतू त्याला पाण्याचा अंदाज न आल्यामुळे बुडून त्याचा मृत्यू झाला. मयताचे वडील गौतम कांबळे यांच्या खबरीवरून सोनपेठ पोलिसात अकस्मात मृत्यूची नोंद (Parbhani Child Death) करण्यात आली आहे. पोनि.अशोक गिते यांच्या मार्गदर्शनाखाली पोहेकॉ सुनिल गिरी तपास करत आहेत. मयताच्या पश्चात आई, वडील, बहिण, भाऊ असा परिवार आहे. दरम्यान सोनपेठ तालुक्यात सलग दुसर्या दिवशी पाण्यात बुडून मृत्यू होण्याची घटना घडली आहे.