रेगडी-हळदवाही जिल्हा परिषद क्षेत्रात डॉ. श्यामाप्रसाद मुखर्जी यांना अभिवादन

घोट (Dr. Shyama Prasad Mukherjee) : रेगडी-हळदवाही जिल्हा परिषद क्षेत्रातील हळदवाही व रेगडी पंचायत समितीअंतर्गत विविध बूथवर भारतीय जनता पक्षाच्या वतीने डॉ. श्यामाप्रसाद मुखर्जी यांच्या पुण्यतिथीनिमित्त अभिवादन करण्यात आले. पक्षाच्या आदेशानुसार भाजपचे जिल्हाध्यक्ष रमेशभाऊ बारसागडे यांच्या मार्गदर्शनाखाली, गडचिरोली विधानसभा मतदारसंघाचे आमदार डॉ. मिलिंद नरोटे यांच्या नेतृत्वात तसेच भाजप बंगाली आघाडीचे जिल्हाध्यक्ष सुरेश शहा यांच्या पुढाकाराने हा उपक्रम राबविण्यात आला.

यावेळी श्यामनगर, सिमूनतला, मंजेगाव, हळदवाही, मुधोली, मच्छली, चापलवाडा, मकेपल्ली, रेगडी, विकासपल्ली आणि पलासपूर या गावांतील विविध बूथवर डॉ. श्यामाप्रसाद मुखर्जी यांच्या प्रतिमेला पुष्पहार अर्पण करून अभिवादन करण्यात आले. कार्यक्रमाला विविध गावांतील भाजप कार्यकर्ते, शक्तिकेंद्र प्रमुख, बूथ प्रमुख तसेच पदाधिकारी मोठ्या संख्येने उपस्थित होते. यावेळी डॉ. श्यामाप्रसाद मुखर्जी (Dr. Shyama Prasad Mukherjee) यांच्या राष्ट्रसेवा, विचार आणि कार्याचा आढावा घेत त्यांच्या कार्याला अभिवादन करण्यात आले.