औंढा नागनाथ डॉक्टर असोसिएशनकडून नगरपंचायतीला निवेदन

औंढा नागनाथ (Aundha Nagnath Doctors Association) : तालुक्यातील डॉक्टर असोसिएशनच्या वतीने आज औंढा नागनाथ नगरपंचायतीला नगराध्यक्ष कपिल खंदारे यांना लेखी निवेदन देण्यात आले. नगरपंचायत हद्दीतील खुली जागा उपलब्ध करून देण्याची मागणी यावेळी करण्यात आली. निवेदनात नमूद केल्याप्रमाणे, औंढा नागनाथ वैद्यकीय असोसिएशन ही नोंदणीकृत संस्था असून ती सामाजिक आरोग्यविषयक तसेच विविध सामाजिक उपक्रम नियमित राबवत असते. या उपक्रमांसाठी स्वतंत्र इमारत असणे आवश्यक असल्याने नगरपंचायत हद्दीतील प्लॉटिंगमधील नगरपंचायतीच्या मालकीची खुली जागा संस्थेला देण्यात यावी, अशी मागणी करण्यात आली आहे. त्यासाठी सुमारे 30 बाय 40 स्क्वेअर फूट जागा देण्याची विनंती करण्यात आली.

या निवेदनावर (Aundha Nagnath Doctors Association) असोसिएशनचे अध्यक्ष डॉ. विलास खरात, कार्याध्यक्ष मुकेश पवार, उपाध्यक्ष डॉ. सुरेश गंगावणे, डॉ. सीमा देशपांडे, सचिव डॉ. हरीश  डॉ. दत्तराव सावळे, कोषाध्यक्ष डॉ. प्रवीण सोनी यांच्यासह डॉ. भिकूलाल अग्रवाल, डॉ. पांडुरंग राठोड, डॉ. रघुनाथ बेंगाळ, डॉ. नवनाथ कुटे, डॉ. शिवशंकर राठोड, डॉ. अभिषेक जयस्वाल, डॉ. विमलकुमार बोरा, डॉ. सत्यनारायण अग्रवाल, डॉ. नागनाथ मस्के, डॉ. नागेश उदगीरे, डॉ. नारायण काचगुंडे, डॉ. उद्धव सोळंके, डॉ. रामप्रसाद काचगुंडे  यांच्यासह आदींच्या निवेदनावर स्वाक्षऱ्या आहेत. निवेदन देताना सर्व डॉ पदाधिकारी व सदस्य उपस्थित होते.