लातूर महापालिका सभेविषयी मुख्यमंत्र्यांना गाऱ्हाणे; मंजूर विषयांची अंमलबजावणी थांबविण्यासाठी काकडे!

लातूर (CM Devendra Fadnavis) : लातूर महानगरपालिकेमध्ये 5 ऑगस्ट रोजी झालेल्या सर्वसाधारण सभेत विषय पत्रिकेवरील विषयावर लोकप्रतिनिधींना पुरेशी चर्चा व आपली भूमिका मांडण्याची संधी न देताच सर्व विषय मंजूर केल्याच्या पार्श्वभूमीवर लातूरच्या काही नगरसेवकांनी मुख्यमंत्री देवेंद्र फडणवीस (CM Devendra Fadnavis) यांची भेट घेत लातूर महापालिकेतील कारभाराचे गाऱ्हाणे मांडले. या प्रकरणाची सखोल चौकशी करावी आणि या मंजूर विषयाची अंमलबजावणी थांबवावी, असे साकडेही घातले.

लातूर महानगरपालिकेच्या 5 ऑगस्ट 2026 रोजी झालेल्या सर्वसाधारण सभेतील कामकाजाबाबत लातूरच्या पालकमंत्र्यांना साक्षी ठेवत महापालिकेतील भाजपाच्या काही नगरसेवकांनी थेट मुख्यमंत्र्यांची भेट घेतली. या सभेत प्रमुख विषय असलेल्या दिवंगत नेते शिवराज पाटील चाकूरकर यांच्या स्मारकाचा ठराव काँग्रेसने या विषयांमध्ये मंजूर केला आहे. या विषयावर चर्चेसाठी वेळ दिला नाही, भाजपाच्या नगरसेवकांना आपली भूमिका मांडण्याची संधी दिली नाही, अशी भूमिका यावेळी मुख्यमंत्र्यांकडे (CM Devendra Fadnavis) मांडण्यात आली. या विषय पत्रिकेवर असलेले सर्व 28 विषय महापालिका सभेत एका दणक्यात वाचून मंजूर करण्यात आले आणि सभा आटोपण्यात आली होती.

याबाबत ही नगरसेवकांनी मुख्यमंत्र्यांकडे (CM Devendra Fadnavis) सविस्तर माहिती दिली. त्यामुळे या प्रकरणात मुख्यमंत्र्यांनी स्वतः लक्ष घालून सभेच्या संपूर्ण कामकाजाची सक्षम स्तरावर सखोल चौकशी करावी. नियमबाह्य पद्धतीने मंजूर झालेले ठराव, त्यांची अंमलबजावणी थांबवून आवश्यक ती कारवाई करण्यात यावी, अशी मागणी केली. या प्रसंगी नगरसेवक गिरीश पाटील, रविशंकर जाधव, गणेश गवारे, सतीश मिरजे, अजित पाटील उपस्थित होते.