Private Bus Accident: औंढा नागनाथ तालुक्यातील पिंपळदरी येथील सागर रिठ्ठे हिला कोल्हापूरला जाताना खासगी बसचा अपघात झाला. तिला तात्काळ सांगोला येथील रूग्णालयात उपचारासाठी दाखल केले.
हिंगोली (Private Bus Accident) : औंढा नागनाथ तालुक्यातील पिंपळदरी येथील सागर रिठ्ठे ही तरूणी पोलिस दलाच्या भरती प्रक्रीयेत उत्तीर्ण झाली. त्यामुळे कोल्हापूरला कागदपत्र देण्याकरीता जात असताना खासगी बसचा अपघात झाला. त्यामध्ये ती किरकोळ रित्या जखमी झाली.
मिळालेली माहिती अशी की, पिंपळदरी येथील सागर रिठ्ठे ही कोल्हापूर पोलिस दलामध्ये नुकत्याच घेण्यात आलेल्या भरती प्रक्रीयेत उत्तीर्ण झाली. कोल्हापूर येथे कागदपत्र देण्या करीता शुक्रवारी ९ मे रोजी जात असताना खासगी बसचा सांगोला गावाजवळ अपघात झाला. यामध्ये सागरच्या छातीला व पायाला मुका मार लागला. तिला तात्काळ सांगोला येथील रूग्णालयात उपचारासाठी दाखल करण्यात आले. परंतु ९ मे रोजी सकाळी १० वाजेपर्यंत कसे पोहचणार याची चिंता सागरला लागली होती.
तिच्या वडीलांनी ही घटना पिंपळदरी येथील सामाजिक कार्यकर्ते बापुराव घोंगडे यांना सांगितली. असता त्यांनी तात्काळ कोल्हापूरचे गृह पोलिस उपाधिक्षक तान्हाजी सावंत यांच्याशी संपर्क साधून सागर रिठ्ठे ही (Private Bus Accident) अपघातात जखमी झाल्याची माहिती दिली. त्यानंतर सागर रिठ्ठे हिने तान्हाजी सावंत यांच्याशी भ्रमणध्वनीवर संपर्क साधताच त्यांनी तु फक्त तब्येतेची काळजी घे, कागदपत्र जमा करण्या करीता सोमवारी आली तरी चालेल, कोणताही तान घेऊ नको, असे म्हणताच सागरला मोठा दिलासा मिळाला. तान्हाजी सावंत यांच्या या दिलासादायी शब्दामुळे तिच्या डोळ्यातून आश्रू बाहेर पडले.