Nationalist Congress: हिंगोलीच्या राष्ट्रवादी काँग्रेसमधील मातब्बर शक्तीचा पर्व दाटला. अजित दादा पवारच्या गटाने पक्षात विस्तार केल्यामुळे शरदचंद्र पवार यांची जिल्हाध्यक्षाची नियुक्ती
हिंगोली (Nationalist Congress) : राष्ट्रवादी शरदचंद्र पवार पक्षाला अनेक महिने उलटून गेले तरी अद्यापपर्यंत जिल्हाध्यक्ष मिळेनासा झाला आहे. हिंगोली जिल्ह्यात शरदचंद्र पवार राष्ट्रवादी काँग्रेसची ताकद मोठी होती. मध्यंतरी राष्ट्रवादी काँग्रेस मधील अनेक मातब्बरांनी अजित दादा पवार यांच्या राष्ट्रवादी काँग्रेसमध्ये प्रवेश केला. तत्कालिन जिल्हाध्यक्ष दिलीप चव्हाण यांच्यासह शेख निहाल भैय्या, शेख शकील, गणेश लुंगे, कयुमखाँ पठाण, आमेर अली, ॲड. अमित कळासरे, प्रा. सुखदेव बलखंडे, आरेफ लाला बागवान, बिरजू यादव यांनी नगर पालिका निवडणूकी पुर्वी अजित राष्ट्रवादी काँग्रेसमध्ये प्रवेश केला.
त्यापूर्वी अनिल पतंगे, माजी नगराध्यक्ष राजकुमार देशमुख, माजी उपाध्यक्ष कैलास देशमुख, संदिप देशमुख, राष्ट्रवादी काँग्रेस युवक जिल्हाध्यक्ष उमेश देशमुख यांनीही राष्ट्रवादी काँग्रेसमध्ये प्रवेश केला होता. त्यामुळे मातब्बर पदाधिकाऱ्यांचा मोठा गट राष्ट्रवादी काँग्रेस अजितदादा पवार गटात गेल्याने शरदचंद्र पवार राष्ट्रवादी काँग्रेसमध्ये मोठी पोकळी निर्माण झाली. जिल्ह्यात माजी मंत्री जयप्रकाश दांडेगावकर वगळता इतर नाममात्र मातब्बर या पक्षात राहीले आहेत. त्यामुळे पोकळी निर्माण झालेल्या शरदचंद्र पवार राष्ट्रवादी काँग्रेसच्या जिल्हाध्यक्षाची नियुक्ती केंव्हा होते याकडे सर्वांचे लक्ष लागले आहे.