Short Circuit Fire: सेनगाव तालुक्यातील दाताडा बुद्रुकमध्ये शॉर्टसर्किटमुळे आग लागून शेतकऱ्याच्या गोठ्याचे सुमारे २ लाखांचे नुकसान झाले. ग्रामस्थांची मदतीची मागणी.
सेनगाव (Short Circuit Fire) : सेनगाव तालुक्यातील दाताडा बुद्रुक येथे शॉर्टसर्किटमुळे लागलेल्या भीषण आगीत शेतकऱ्याच्या गोठ्याचे मोठे नुकसान झाल्याची घटना शनिवारी दि. १८ मार्चला दुपारी उघडकीस आली. या (Short Circuit Fire) आगीत शेतीपयोगी साहित्य जळून खाक झाल्याने शेतकरी आर्थिक संकटात सापडला असून तात्काळ पंचनामा करून नुकसानभरपाई देण्याची मागणी करण्यात येत आहे.
मिळालेल्या माहितीनुसार, दाताडा बुद्रुक येथील शेतकरी साहेबराव देविदास गायकवाड यांच्या आजेगाव शिवारातील शेतातील गोठ्याला दुपारी सुमारे ३ ते ४ वाजण्याच्या दरम्यान शॉर्टसर्किटमुळे अचानक आग लागली. आग लागल्याचे लक्षात येताच परिसरातील नागरिकांनी धाव घेत आग विझविण्याचा प्रयत्न केला. मात्र, (Short Circuit Fire) आगीची तीव्रता मोठी असल्याने गोठ्यातील बहुतांश साहित्य जळून खाक झाले.
या (Short Circuit Fire) आगीत तुषार सिंचन संच, टिन पत्रे, विविध शेती अवजारे, फवारणी पंप, डायनामा इंजिन तसेच जनावरांचा चारा आदी साहित्याचे मोठ्या प्रमाणात नुकसान झाले. या घटनेत सुमारे दीड ते दोन लाख रुपयांचे नुकसान झाल्याचा अंदाज व्यक्त करण्यात येत आहे. आधीच निसर्गाच्या लहरीपणामुळे अडचणीत सापडलेल्या शेतकऱ्यांवर या घटनेने दुहेरी संकट कोसळले आहे. त्यामुळे संबंधित प्रशासनाने तातडीने घटनास्थळी भेट देऊन पंचनामा करावा आणि शेतकऱ्याला त्वरित आर्थिक मदत जाहीर करावी, अशी मागणी ग्रामस्थ व शेतकरीवर्गातून होत आहे.