विशिष्ट दुकानातून शैक्षणिक साहित्य खरेदीची सक्ती थांबवा, अन्यथा आंदोलन!

व्ही. एस. पँथर्स विद्यार्थी आघाडीचा शिक्षण उपसंचालकांना इशारा

लातूर (Educational Material Compulsory) : नवीन शैक्षणिक वर्ष सुरू होत असून शैक्षणिक संस्थांनी विद्यार्थी व पालकांना विशिष्ट दुकानातूनच शैक्षणिक साहित्य खरेदी करण्याची शक्ती करू नये, याबाबत शिक्षण उपसंचालकांनी लक्ष घालावे व हा प्रकार तात्काळ बंद करावा अन्यथा तीव्र आंदोलन केले जाईल, असा इशारा व्ही. एस. पँथर्स युवा संघटनेने मंगळवारी दिला. येथील व्ही. एस. पँथर्स युवा संघटनेचे संस्थापक अध्यक्ष विनोदभाऊ खटके यांच्या सूचनेनुसार विद्यार्थी आघाडीच्या वतीने शिक्षण उपसंचालक यांना निवेदन देण्यात आले.

 येत्या शैक्षणिक वर्षात लातूर जिल्ह्यातील शैक्षणिक संस्थांनी (Educational Material Compulsory) पालकांना विद्यार्थ्यांचे गणवेश, बूट, सॉक्स, वह्या, पुस्तके खरेदी करण्यासाठी विशिष्ट दुकानांचा आग्रह धरू नये. यामुळे पालकांना विविध आर्थिक अडचणींना सामोरे जावे लागत आहे, असे निदर्शनास येत आहे. त्यासाठी शिक्षण उपसंचालकांनी शैक्षणिक संस्थांना शैक्षणिक वर्ष सुरू होण्यापूर्वी आदेशित करावे; अन्यथा व्ही.एस. पँथर्स युवा संघटन आपल्या कार्यालयासमोर तीव्र आंदोलन छेडेल, याची गंभीरतेने दखल घेण्यात यावी, इशारा निवेदनाद्वारे देण्यात आला आहे.

या निवेदनावर विद्यार्थी आघाडी जिल्हाध्यक्ष स्वप्निल कांबळे, जिल्हा कार्याध्यक्ष अकबर शेख, जिल्हा उपाध्यक्ष आबासाहेब गायकवाड, शहराध्यक्ष असद भाई शेख, ऑटो युनियन तालुका उपाध्यक्ष विशाल गवळी, फैयाज शेख आदींच्या स्वाक्षरी आहेत.