संस्थापक कुलगुरु डॉ. जनार्दन वाघमारे यांचे स्मारक विद्यापीठ परिसरात उभारावे!

डॉ. जनार्दन वाघमारे विचार मंचच्या शिष्टमंडळाची कुलगुरूंकडे मागणी

लातूर (Dr. Janardan Waghmare) : स्वामी रामानंद तीर्थ मराठवाडा विद्यापीठाचे संस्थापक कुलगुरु कै. डॉ. जनार्दन वाघमारे यांचे स्मारक विद्यापीठ परिसरात उभारावे, अशी मागणी डॉ. जनार्दन वाघमारे विचार मंच द्वारे कुलगुरू डॉ. मनोहर चासकर यांची भेट घेऊन शिष्टमंडळाद्वारे करण्यात आली. 

या शिष्टमंडळात विचार मंचचे अध्यक्ष प्रा. सुधीर साळुंखे, सचिव डॉ. दिगंबर नेटके, सिनेट सदस्य डॉ. अशोक मोटे,  प्राचार्य डॉ. संजय वाघमारे, प्राचार्य डॉ. सतीश यादव, डॉ. विनोद चव्हाण, विक्रम कदम, ॲड. निशांत वाघमारे आदींचा सहभाग होता. दरम्यान राष्ट्रवादी काँग्रेस पार्टीचे आमदार रोहित पवार यांनी कुलगुरू डॉ. मनोहर चासकर यांना फोनवर डॉ. जनार्दन वाघमारे (Dr. Janardan Waghmare) यांच्या स्मारकासंदर्भात देखील सूचना केल्या.