Breaking News
  • सुवेंदू अधिकारी होणार बंगालचे नवे मुख्यमंत्री; रूपा गांगुली यांची उपमुख्यमंत्रीपदी नियुक्ती
  • 'थलपथी' विजयला मिळाले बहुमत; मुख्यमंत्रीपदाचा मार्ग मोकळा!
  • 'निदा खान प्रकरणात इम्तियाज जलील यांना सहआरोपी करा', मंत्री संजय शिरसाट यांची मागणी
  • विदर्भ, मराठवाडा आणि मध्य महाराष्ट्रात वादळी वाऱ्यासह पाऊस, विजांचा कडकडाट आणि काही ठिकाणी गारपिटीचा अंदाज हवामान विभागाने वर्तवला आहे.
  • रितेश देशमुख दिग्दर्शित ‘राजा शिवाजी’ या मराठी चित्रपटाने 50 कोटींचा टप्पा ओलांडत मोठे यश मिळवले आहे आणि 75 कोटींकडे वाटचाल सुरू आहे.
  • राज्यातील सुमारे 16 लाख विद्यार्थ्यांसाठी दहावीचा निकाल आज जाहीर करण्यात आला असून विद्यार्थी अधिकृत वेबसाईट आणि डिजीलॉकरवर निकाल पाहू शकतात.
  • नांदेड ग्रामीण पोलिसांनी मोठी कारवाई करत तब्बल 4,796 धारदार शस्त्रांचा साठा जप्त केला आहे. तलवारी, गुप्ती आणि चाकू यांचा मोठा साठा सापडल्याने राज्यात खळबळ उडाली आहे. ही आतापर्यंतची सर्वात मोठी एकदिवसीय शस्त्र जप्ती मानली जात आहे
  • महाराष्ट्र SSC 2026 निकालात लातूर विभागाने पुन्हा एकदा चांगली कामगिरी केली आहे. राज्यातील 179 विद्यार्थ्यांनी 100% गुण मिळवले असून त्यापैकी सर्वाधिक 104 विद्यार्थी लातूर विभागातील आहेत.
  • गडचिरोली जिल्ह्यातील APR सॅक प्लांटवरील 72 दिवसांचे आंदोलन अखेर संपले. कामगारांच्या नोकऱ्या सुरक्षित ठेवत आर्थिक भरपाईसह करार झाला आहे.

होम > आपले शहर > मराठवाडा > हिंगोली

डोंगरकडा येथिल स्वयंभू श्री जटाशंकर मंदिरातील दानपेटी फोडून रक्कम चोरी; सी सी टीव्हीचे डिव्हाईस सुद्धा चोरीला गेले!

कळमनुरी तालुक्यातील डोंगरकडा येथील स्वयंभू श्री जटाशंकर मंदिरातील दानपेटी फोडून सी सी टी व्ही चे डिव्हाईस दरोडेखोरांनी चोरून नेल्याची घटना काल रात्री दिनांक 23 एप्रिल रोजी घडली.


डोंगरकडा येथिल स्वयंभू श्री जटाशंकर मंदिरातील दानपेटी फोडून रक्कम चोरी सी सी टीव्हीचे डिव्हाईस सुद्धा चोरीला गेले

Dongarkada Temple Theft |

डोंगरकडा (Dongarkada Temple Theft) : कळमनुरी तालुक्यातील डोंगरकडा येथील स्वयंभू श्री जटाशंकर मंदिरात चोरीची घटना उघडकीस आली आहे. २३ एप्रिलच्या मध्यरात्री अज्ञात चोरट्यांनी मंदिरातील दानपेटी फोडून रोख रक्कम लंपास केली तसेच सीसीटीव्ही यंत्रणेशी संबंधित उपकरणेही चोरून नेली.

डोंगरकडा येथील स्वयंभू श्री जटाशंकर मंदिर हे परिसरातील एक प्रसिद्ध धार्मिक स्थळ असून, राज्य शासनाने यास “क” दर्जाचे पर्यटनस्थळ म्हणून मान्यता दिली आहे. मंदिरातील प्राचीन आणि दुर्मिळ अशी स्वयंभू मूर्ती असल्याने येथे भाविकांची मोठी वर्दळ असते. याशिवाय, परिसरातील अनेक विवाहसोहळेही या ठिकाणी पार पडतात.

ही घटना मंदिर प्रशासनाच्या निदर्शनास आल्यानंतर अधिकृत कर्मचाऱ्यांनी तात्काळ विश्वस्त मंडळाला माहिती दिली. त्यानंतर देवस्थानचे अध्यक्ष रावसाहेब अडकीने यांनी आखाडा बाळापूर पोलीस ठाण्यात तक्रार दाखल केली. तक्रारीनंतर पोलीस निरीक्षक विष्णुकांत गुठ्ठे यांच्या मार्गदर्शनाखाली तपास सुरू करण्यात आला आहे.

घटनास्थळी पोलीस पथकासह फिंगरप्रिंट तज्ज्ञांना पाचारण करण्यात आले असून, पुरावे गोळा करण्याचे काम सुरू आहे. प्राथमिक तपासात चोरट्यांनी दानपेटी फोडण्यासाठी कटरचा वापर केल्याचे स्पष्ट झाले असून, आरोपी अनुभवी आणि नियोजनपूर्वक कारवाई करणारे असल्याचा अंदाज व्यक्त केला जात आहे.

सदर प्रकरणी पुढील तपास पोलीस करत असून, परिसरातील सीसीटीव्ही फुटेज आणि इतर तांत्रिक बाबींच्या आधारे आरोपींचा शोध घेतला जात आहे.

Related to this topic: