सनईचा सूर हरवला: उद्यापासून चातुर्मासापर्यंत विवाह सोहळे बंद

अर्जुन पवार खानापूर चित्ता (Wedding Ceremonies) : आजपासून राज्यभरात सनई-चौघड्यांचा आवाज महिनाभरासाठी बंद होणार आहे. हिंदू पंचांगानुसार १७ मे २०२६ पासून अधिक ज्येष्ठ मास अर्थात पुरुषोत्तम मासाला सुरुवात होत आहे. हा मास १५ जून २०२६ पर्यंत चालणार आहे. अधिक मासात विवाह, वास्तुशांती, गृहप्रवेश यासारखी कोणतीही शुभकार्ये केली जात नाहीत. त्यामुळे उद्यापासून तब्बल महिनाभर एकही विवाह सोहळा पार पडणार नाही आणि मंगल कार्यालये ओस पडणार आहेत.

अधिक मास संपतो न संपतो तोच लगेच २५ जुलै २०२६ पासून चातुर्मासाला सुरुवात होणार आहे. देवशयनी एकादशीपासून देवउठनी एकादशी म्हणजेच २० नोव्हेंबर २०२६ पर्यंत चातुर्मास असतो. या चार महिन्यांच्या काळात भगवान विष्णू योगनिद्रेत जातात अशी धार्मिक मान्यता आहे. त्यामुळे चातुर्मासातही (Wedding Ceremonies) विवाह मुहूर्त वर्ज्य मानले जातात. अधिक मास आणि चातुर्मासामुळे सलग चार महिने लग्नसराई पूर्णपणे ठप्प राहणार आहे.

यंदा विवाह मुहूर्त (Wedding Ceremonies) अत्यंत कमी आहेत. २०२६ या संपूर्ण वर्षात फक्त ५० ते ५९ शुभ विवाह मुहूर्त उपलब्ध आहेत. यामागे गुरु आणि शुक्र या ग्रहांचे अस्त होणे हे प्रमुख कारण आहे. ज्योतिषशास्त्रानुसार विवाहासाठी गुरु आणि शुक्र दोन्ही ग्रह उदित असणे बंधनकारक असते. शुक्र १७ जुलै ते १० ऑगस्ट आणि १९ ते २८ ऑक्टोबर दरम्यान अस्त राहणार आहे. त्यामुळे जून आणि जुलैच्या पहिल्या आठवड्यात मोजकेच मुहूर्त आहेत. जूनमध्ये १९, २३, २४, २७ तर जुलैमध्ये ३, ४, ७, ८, ११ या तारखांना लग्न करता येईल. त्यानंतर थेट २० नोव्हेंबरला देवउठनी एकादशीनंतरच पुन्हा लग्नाचे मुहूर्त सुरू होतील. नोव्हेंबरमध्ये २० ते २४ आणि डिसेंबरमध्ये १ ते १२ तारखांपर्यंत विवाह करता येणार आहेत.

मुहूर्तांच्या या दुष्काळाचा थेट परिणाम लग्नसराईशी संबंधित व्यवसायांवर होणार आहे. मंगल कार्यालये, लॉन्स, कॅटरिंग, बँड पथक, घोडेवाले, फोटोग्राफर, व्हिडिओग्राफर, मेकअप आर्टिस्ट, मेहंदी आर्टिस्ट, फुलांचे व्यापारी या सर्वांच्या धंद्याला चार महिने ब्रेक लागणार आहे. अनेक कुटुंबांनी आधीच नोव्हेंबर-डिसेंबरचे बुकिंग सुरू केले आहे. ज्योतिषाचार्यांच्या मते मुहूर्त कमी असल्याने पत्रिका जुळवताना नाडी दोष, भकूट दोष यांचा विचार तज्ज्ञ ज्योतिषाकडून करून घ्यावा. गोधूलि वेला शुभ असते हा गैरसमज असून ग्रह दोष असल्यास त्या वेळेतही विवाह करू नये, असा सल्ला दिला जात आहे.

एकंदरीत उद्यापासून सुरू होणारा अधिक मास आणि त्यापाठोपाठ येणारा चातुर्मास यामुळे सनईचा सूर चार महिन्यांसाठी हरवणार आहे. आता अधिक मास आणि चातुर्मास नंतर  लग्नाची धामधूम आणि मंगल कार्यालयांमध्ये पुन्हा वर्दळ दिसणार आहे.
ठीक आहे.

शेवटच्या लग्न तिथीने अनेकांची उडाली तारांबळ

14 मे लग्नाची शेवटची तारीख.  एकाच दिवशी लग्न उरकून घ्यायचं ठरवलं आणि काय धमाल झाली. मंडपवाले, बँडवाले, घोडेवाले, फोटोग्राफर सगळे एका लग्नाहून दुसऱ्या लग्नाला पळत होते. एकाच रस्त्यावर चार-चार वराती भेटल्या, तेव्हा नवरदेव कोणत्या मंडपात जायचं यातच गोंधळला. काहींचं जेवण कमी पडलं, काहींचा मेकअप आर्टिस्ट आलाच नाही, तर काहींचे पाहुणे दुसऱ्याच लग्नात जेवून आले. शेवटी तारीख संपली, पण किस्से अजून संपले नाहीत. 14 मे ने अनेकांची लग्नं लावली खरी, पण अनेकांच्या लग्नाची खरी मजा घालवली.