Ausa Municipal Council President: औसाच्या लोकशाहीतील उलटसुलट चरुचेपासून सुरू झालेल्या महिलांची प्रथम नगराध्यक्षपदाची मागणी. अफसर शेख आणि परवीन शेख यांनी जून १९ रोजी पद स्वीकारली
बी. जी. शेख
औसा (Ausa Municipal Council President) : औसा शहराची चर्चा कोणत्या ना कोणत्या कारणामुळे नेहमीच सगळीकडे होत असते. शुक्रवारी एक नव्या गोष्टीमुळे चर्चेला उधाण आले आहे. २०२६ च्या स्थानिक स्वराज्य निवडणुकांमध्ये औसा शहरात राष्ट्रवादी काँग्रेस पक्षाने डॉक्टर अफसर शेख यांच्या नेतृत्वात एक हाती सत्ता प्राप्त केली होती. या निवडणुकीत लोकनियुक्त नगराध्यक्ष म्हणून महिलेला आरक्षण सुटले होते. निवडणूक अतिशय चुरशीची झाली. यात नगराध्यक्ष पदाची माळ अफसर शेख यांच्या भगिनी परवीन शेख यांच्या गळ्यात पडली.
अतिशय उत्साहात त्यांचा पदग्रहण समारोह पार पडला.काही महिने उलटले नाही तर एका नवीन चर्चेला सुरुवात झाली.डॉक्टर अफसर शेख नगराध्यक्ष पदाचा पदभार स्वीकारणार असल्याची चर्चा शहरात मोठ्या प्रमाणात होऊ लागली. शुक्रवारी (दिनांक १९ जून) अफसर शेख यांनी प्रभारी नगराध्यक्ष पदाचा पदभार स्वीकारला. या झालेल्या सोहळ्याला नगरसेवकासह शहरातील अनेक मान्यवर उपस्थित होते. सर्वांनी या पदग्रहण सोहळ्यानंतर शुभेच्छा दिल्या.
लोकशाहीत वेगवेगळ्या नियमावर बोट ठेवून हा पदग्रहण सोहळा झाला असला तरी याची शहरात उलट सुलट चर्चा होत आहे. परवीन शेख या एका शाळेच्या मुख्याध्यापिका आहेत. त्या ठिकाणी काम असेल असेही बोलले जात आहे. (Ausa Municipal Council President) उच्चशिक्षित परवीन शेख आहेत, असा प्रचार करून त्यांनी मते मागितली होती. सुशिक्षित असल्याकारणाने शहरातील सूज्ञ मतदारांनी भरघोस मतांनी निवडून दिले होते.
सर्व काही सुरळीत असताना पदाचा इतका हव्यास अफसर शेख यांना का झाला असावा? तसेही पालिकेत निवडून आलेल्या महिला कारभार पाहत नाहीत तर त्यांचे पती सर्व जबाबदारी अप्रत्यक्षपणे पार करत असल्याचेही बोलले जाते. प्रशासकीय काळानंतर महिलेने सुरळीतपणे कारभार हाताळला होता. मग कोठे "माशी शिंकली" याबाबतीत शहरात चर्चा रंगली आहे.
अध्यक्षपदावर महिला असतानाही निर्णय भूमिका डॉ. अफसर शेख यांचीच होती. असे असताना हा सर्व खेळ का मांडला गेला? या बाबतीत अनेक प्रश्न चर्चिले जात आहेत.