आमदाराचे मध्यरात्री उपजिल्हा रुग्णालयाचे अवचक निरक्षण

कूरखेडा (MLA Ramdas Masram) : उपजिल्हा रुग्णालय कूरखेडा येथील व्यवस्थेसंदर्भात नागरीकांचा वारंवार होणाऱ्या तक्रारीची शहानिशा करण्याकरीता मंगळवार रोजी मध्यरात्री १२ ते १ वाजे दरम्यान आमदार रामदास मसराम (MLA Ramdas Masram) यानी रूग्णालयाला भेट देत येथील व्यवस्थेची पाहणी केली व येथील स्वच्छता व्यवस्थेसंदर्भात नाराजी व्यक्त करीत रूग्णालय व्यवस्थापणाशी चर्चा केली.
             
यावेळी रूग्णालयात असलेले स्वच्छतागृह शौचालयाची नियमीत स्वच्छता करण्यात येत नसल्याने येथे तिव्र दूर्गंधी असल्याचे,व नळाला पाणी येत नसल्याचे पाहणीत आढळून आल्याने त्यानी नाराजी प्रकट केली तसेच आंतररूग्न(Ipd ) विभागात कूलर लावण्यात न आल्याने दाखल रूग्ण उकाळा मूळे त्रस्त होते .व्यवस्थापनाकडे कूलरची व्यवस्था असतानाही कूलर लावण्यात न आल्याने त्यानी नाराजी प्रकट केली तसेच यावेळी त्यानी रूग्णालयातील व्यवस्थापन सामान्य रूग्णाशी अरेरावीची वागणूक करित असते अशा वारंवार होणाऱ्या तक्रारीची दखल घेत रूग्ण  व त्यांच्यासोबत असलेल्याना सौजन्याची वागणूक देण्याची सूचणा आमदारानी केली.

तसेच  रूग्णालयात आवश्यक औषधीचा साठा तसेच नियमित तज्ञ वैद्यकीय अधिकाऱ्यांची सेवा सज्ज ठेवण्याचे निर्देश दिले व येथे मंजूर डायलिसिस सेंटर सुरु करण्या करीता लागणारी यंत्र सामुग्री व  एका तज्ञांची नेमणूक झाली आहे. त्यामुळे विलंब न करता डायलिसिस सेंटर सूरू करण्याची सूचना केली. याप्रसंगी वैद्यकीय अधिक्षक डॉ. अमीत ठमके व रूग्ण कल्याण समिती सदस्य जयंत पाटील हरडे, नगरसेवक आशिष काळे, रूग्ण  कल्याण समिती सदस्य सिराज पठाण, धनपाल मिसार,माजी नगरसेवक उसमान पठाण, भावेश मुंगणकर, आसिफ शेख, राकेश चव्हाण,सागर वाढई, गजानन भोयर, वैद्यकीय अधिकारी मिथेलेश आत्राम आदि हजर होते.