आंबे घेऊन जाणारा वाहन पलटला; चालक जखमी

मानोरा (Manora Vehicle Accident) : आंब्यांनी भरलेला एक वाहन पलटल्याने झालेल्या अपघातात चालक गंभीर जखमी झाला. ही घटना २३ एप्रिल रोजी सकाळी सुमारे १० वाजता कारंजा - मानोरा मार्गावर दापुरा गावाजवळ घडली. या घटनेत वाहनाचेही मोठे नुकसान झाले आहे.
   
प्राप्त माहितीनुसार, एम.एच. २७, डीटी १७९९ वाहन आज सकाळी हैदराबादहून आंध्रप्रदेशकडे आंबे घेऊन जात होता. कारंजा - मानोरा मार्गावर दापुरा गावाजवळ चालकाचे वाहनावरील नियंत्रण सुटले आणि वाहन रस्त्याच्या कडेला पलटले. या (Manora Vehicle Accident) अपघातात चालक गंभीर जखमी झाला. त्याला तातडीने कारंजा उपजिल्हा रुग्णालयात उपचारासाठी दाखल करण्यात आले. वृत्त लिहिल्यावर मानोरा पोलीस ठाण्यात या प्रकरणी गुन्हा नोंदविण्याची प्रक्रिया सुरू होती. 

ग्रामीणांनी आंब्यांची लूट केली

दापुरा गावाजवळ आंब्यांनी भरलेला वाहन पलटल्यानंतर रस्त्यावर सर्वत्र आंबे विखुरले. हे पाहून आसपासचे ग्रामस्थ घटनास्थळी धावले आणि आंबे उचलण्यासाठी गर्दी केली. अपघाताची गंभीरता दुर्लक्षित करून अनेक नागरिक आंबे गोळा करून घरी नेण्यासाठी धावपळ करतांना दिसून आल्याचे व्हिडिओ व्हायरल होताच मदत सोडून आंब्याची लूट हा प्रकार पहावयास मिळाला. अनेकांनी आंब्यापुढे माणुसकी हरली अशी तिखट प्रतिक्रिया व्यक्त केली आहे.