गुरिंदरवीर सिंगने रचला इतिहास; राष्ट्रीय विक्रम मोडून पटकावले सुवर्णपदक

नवी दिल्ली (New National Record) : रांची येथील बिरसा मुंडा ॲथलेटिक्स स्टेडियमवर झालेल्या राष्ट्रीय वरिष्ठ फेडरेशन कप ॲथलेटिक्स स्पर्धेत भारतीय क्रीडा इतिहासात एक नवा अध्याय लिहिला गेला. अवघ्या 24 तासांत, दोन खेळाडूंनी पुरुषांच्या 100 मीटर शर्यतीत तीन वेळा राष्ट्रीय विक्रम मोडला. पंजाबचा धावपटू (Gurindervir Singh) गुरिंदरवीर सिंगने 10.1 सेकंदांपेक्षा कमी वेळेत ही शर्यत पूर्ण करणारा पहिला भारतीय ठरून इतिहास रचला. त्यानंतर अवघ्या 30 मिनिटांनी, त्याने 400 मीटर शर्यतीत आणखी एक ऐतिहासिक विक्रम प्रस्थापित केला.

गुरिंदरवीर आणि अनिमेश यांच्यात विक्रम मोडणारी लढत

स्पर्धा सुरू होण्यापूर्वी, ओडिशाचा अनिमेश कुजूर (मागील विक्रम 10.18 सेकंद) हा (New National Record) विजयाचा प्रबळ दावेदार मानला जात होता. तथापि, शुक्रवारी झालेल्या पहिल्या उपांत्य फेरीच्या हीटमध्ये, रिलायन्स फाउंडेशनचे प्रतिनिधित्व करणाऱ्या गुरिंदरवीर सिंगने 10.17 सेकंदांची वेळ नोंदवून एक नवीन राष्ट्रीय विक्रम प्रस्थापित केला. फक्त पाच मिनिटांनंतर, दुसऱ्या उपांत्य फेरीत, अनिमेश कुजूरने जोरदार पुनरागमन करत 10.15 सेकंदांची वेळ नोंदवून विक्रम पुन्हा प्रस्थापित केला.

फक्त 10.09 सेकंदांत जिंकले सुवर्णपदक

अंतिम सामन्यात, (Gurindervir Singh) गुरिंदरवीरने 10.09 सेकंदांच्या जादुई वेळेसह सुवर्णपदक जिंकून सर्वांना चकित केले. अनिमेश 10.20 सेकंदांसह दुसऱ्या स्थानी, तर प्रणव गुरव 10.29 सेकंदांसह तिसऱ्या स्थानी राहिला. रोमांचक 100 मीटर शर्यतीनंतर अवघ्या अर्ध्या तासात, तामिळनाडूच्या 22 वर्षीय धावपटू विशाल टीकने मैदानावर एक खळबळ उडवून दिली. विशालने पुरुषांची 400 मीटर शर्यत फक्त 44.98 सेकंदांत पूर्ण केली.

असे करणारा ठरला पहिला भारतीय खेळाडू

या (New National Record) कामगिरीसह, तो 45 सेकंदांपेक्षा कमी वेळेत शर्यत पूर्ण करणारा पहिला भारतीय खेळाडू ठरला. त्याने गेल्या वर्षी चेन्नईमध्ये प्रस्थापित केलेला स्वतःचा 45.12 सेकंदांचा राष्ट्रीय विक्रम सुधारला. तामिळनाडूचे राजेश रमेश (45.31 सेकंद) दुसऱ्या, तर उत्तर प्रदेशचे जय कुमार (45.47 सेकंद) तिसऱ्या स्थानी राहिले. या दोन्ही खेळाडूंनी आपल्या प्रभावी कामगिरीने आंतरराष्ट्रीय स्तरावर भारताला गौरव मिळवून दिला आहे.