हिंगोली जिल्ह्यात पावसाने घेतली गती, जुलैत सरासरीपेक्षा 41 टक्क्यांनी अधिक नोंद

हिंगोली (Hingoli Heavy Rain) : जिल्ह्यात यंदा मान्सूनची वाटचाल संथ राहिली असली तरी जुलै महिन्यात पावसाने चांगली हजेरी लावली आहे. जून महिन्यात हिंगोली जिल्ह्यासाठीचे सरासरी पर्जन्यमान 169.2 मिमी असताना प्रत्यक्षात 120.2 मिमी पाऊस झाला. त्यामुळे जूनचा पाऊस सरासरीच्या 71 टक्के इतका राहिला. मात्र जुलै महिन्याच्या सुरुवातीपासून चित्र बदलले आहे. जुलैसाठीचे सरासरी 37.1 मिमी असताना कालपर्यंत 45.2 मिमी पाऊस पडला होता आणि आज अहवालाच्या दिवशी आणखी 7.4 मिमी पावसाची नोंद झाली. त्यामुळे जुलैचे एकूण प्रगतीशील पर्जन्यमान 52.6 मिमी झाले असून ते सरासरीच्या 141.7 टक्के आहे.

जूनपासून आतापर्यंतचा विचार केल्यास (Hingoli Heavy Rain) हिंगोलीसाठीचे सरासरी पर्जन्यमान 206.3 मिमी आहे. त्याच्या तुलनेत 172.8 मिमी पाऊस झाला असून हे प्रमाण सरासरीच्या 83.8 टक्के आहे. जून ते सप्टेंबर या कालावधीसाठीचे सरासरी 795.3 मिमी असून आतापर्यंत 21.7 टक्के पाऊस पूर्ण झाला आहे. गेल्या वर्षी याच कालावधीत 154.2 मिमी पाऊस झाला होता आणि ते प्रमाण सरासरीच्या 74.7 टक्के होते. त्यामुळे यंदा गेल्या वर्षीच्या तुलनेत हिंगोली जिल्ह्यात पावसात सुधारणा दिसून येत आहे.