जंतर-मंतर लाठीचार्जचा परभणी जिल्हा वकील संघाकडून निषेध; नीट परीक्षेत पारदर्शकतेची मागणी

पंतप्रधानांना जिल्हाधिकाऱ्यांमार्फत निवेदन; विद्यार्थ्यांच्या आंदोलनाला जाहीर पाठिंबा

परभणी (Parbhani Bar Association Protest) : जिल्हा वकील संघाच्या वतीने जंतर-मंतर, नवी दिल्ली येथे आंदोलन करणाऱ्या विद्यार्थ्यांवरील कथित लाठीचार्जचा निषेध करण्यात आला. तसेच नीट परीक्षा पारदर्शक पद्धतीने घेण्यासाठी कायमस्वरूपी उपाययोजना करण्याची मागणी पंतप्रधान नरेंद्र मोदी यांना जिल्हाधिकाऱ्यांमार्फत दिलेल्या निवेदनातून करण्यात आली.

परभणी जिल्हा वकील संघाने जंतर-मंतरवरील विद्यार्थ्यांवरील कथित लाठीचार्जचा निषेध (Parbhani Bar Association Protest) करत विद्यार्थ्यांच्या आंदोलनाला पाठिंबा जाहीर केला आहे. तसेच नीट परीक्षा अधिक पारदर्शक व पेपरफुटीमुक्त करण्यासाठी कायमस्वरूपी उपाययोजना करण्याची मागणी पंतप्रधानांना जिल्हाधिकाऱ्यांमार्फत दिलेल्या निवेदनातून करण्यात आली. निवेदनावेळी वकील संघाचे पदाधिकारी व कार्यकारिणी सदस्य उपस्थित होते.