शंकरपूर येथे कृषी यांत्रिकीपद्धतीने भात लागवडीचे प्रात्यक्षिक

कोरेगाव, चोप (Paddy Cultivation) : देसाईगंज तालुक्यातील शंकरपूर येथे नियोजित खरीप हंगाम सन 2026 अंतर्गत राष्ट्रीय अन्न सुरक्षा व पोषण अभियान योजनेंतर्गत यांत्रिकीपद्धतीने भात लागवड प्रात्यक्षिकासाठी बियाणे निवड करण्यात आलेल्या लाभार्थी शेतकऱ्यांना वितरित करण्यात आले.

यावेळी जगन नकटू चंडिकार, शंकर काशीराम गुरनुले, दिलीप केवळराम लांजेवार, यादव बुद्धाची दुपारे, तुला राम मेश्राम आणि महादेव नानाजी बुद्धे यांच्या शेतात पेरणी यंत्राचा वापर करून भात बियाणे पेरणीचे प्रात्यक्षिक करून दाखवण्यात आले.

तसेच उपस्थित महिला शेतकऱ्यांना एल निनोच्या वातावरणावर होणाऱ्या परिणामांबाबत माहिती देण्यात आली. महसूल मंडळ कार्यालय परिसरात स्थापित करण्यात आलेला स्वयंचलित हवामान संच कसा कार्य करतो, याविषयीही मार्गदर्शन करण्यात आले.

या कार्यक्रमाला उप कृषी अधिकारी उमाकांत बोधे (वडसा), सहाय्यक कृषी अधिकारी विजया औरासे (शंकरपूर) तसेच परिसरातील शेतकरी मोठ्या संख्येने उपस्थित होते.