हिंगोलीतील सह्याद्री हॉस्पिटलमध्ये खूबा प्रत्यारोपण आणि गुडघा प्रत्यारोपण शस्त्रक्रिया यशस्वी

हिंगोली (Hingoli Sahyadri Hospital) : मुख्यमंत्री सहायता निधी द्वारे प्रथमच सह्याद्री हॉस्पिटल हिंगोली येथे खूबा प्रत्यारोपण आणि गुडघा प्रत्यारोपण शस्त्रक्रिया यशस्वीरित्या करण्यात आली असून रुग्णांना डिस्चार्ज करण्यात आला. आता कृत्रिम सांधा प्रत्यारोपण शस्त्रक्रिया आपल्या सह्याद्री हॉस्पीटल हिंगोली येथे शक्य झाली असून रुग्णांना मोठ्या शहरात जाण्याची आवश्यकता नाही. मुख्यमंत्री सहायता निधी द्वारे रुग्णांना आर्थिक सहाय्य मिळते आणि रुग्णांचा आर्थिक बोझा कमी होतो.

शस्त्रक्रियेनंतर दोन्ही रुग्ण समाधानी आहेत. रुग्ण रियाज शेख वय 35 वर्ष यांना AVN हिप चा त्रास होता त्यांची हिप रिप्लेसमेंट शस्त्रक्रिया करण्यात आली. गोदावरी सावळे वय 45 वर्ष गुडघेदुखीने 10 वर्षापासून त्रस्त होती तिचे गुडघा प्रत्यारोपण शस्त्रक्रिया करण्यात आले.

मुंबई येथे सांधा प्रत्यारोपण व आधुनिक शस्त्रक्रियेचा प्रदीघ्र अनुभव घेऊन डॉ. अरुण काळे - अस्थिरोग व सांधा प्रत्यारोपण तज्ञ आता सह्याद्री हॉस्पीटल हिंगोली येथे पूर्णवेळ उपलब्ध झाले असून ह्यांनी या दोन्ही शस्त्रक्रिया यशस्वी पार पाडल्या. या शस्त्रक्रियेसाठी डॉ. अरुण काळे, डॉ. यशवंत पवार सर, डॉ. स्वाती पवार, भूलतज्ज्ञ डॉ. अमोल धुळधुळे, डॉ. शीतल काळे  ,dnyaneshwar जगताप, गंगाप्रसाद पाईकराव, वैभव गडगीळ, सोनाली सिस्टर यांनी सहाय्य केले. गुडघेदुखी आणि AVN हिप च्या रुग्णांनी मुख्यमंत्री सहायता निधी योजनेचा लाभ घ्यावा अशी माहिती सह्याद्री हॉस्पिटल हिंगोली चे संचालक डॉ यशवंत पवार  यांनी हिंगोली जिल्ह्यातील गरजू रुग्णांना दिली.