निवडणुकीच्या पार्श्वभूमीवर हिंगोली जिल्ह्यात दोन दिवस ‘ड्राय डे’; जिल्हाधिकाऱ्यांचा सुधारित आदेश जारी

हिंगोली (Hingoli Dry Day) : महाराष्ट्र विधानपरिषदेच्या १६ स्थानिक प्राधिकारी मतदारसंघाची निवडणूक जाहीर झाल्याने कायदा व सुव्यवस्थेच्या दृष्टीने हिंगोली जिल्ह्यात दोन दिवस मद्यविक्री बंद ठेवण्याचा सुधारित आदेश जिल्हाधिकारी राहुल गुप्ता यांनी काढला आहे. 

या आदेशानुसार, संपूर्ण हिंगोली जिल्ह्यात गुरुवारी, १८ जून २०२६ रोजी सकाळी ८.०० ते दुपारी ४.०० वाजेपर्यंत तसेच सोमवारी, २२ जून २०२६ रोजी मतदान प्रक्रियेच्या सुरुवातीपासून ते निकाल जाहीर होईपर्यंत मद्यविक्री बंद राहणार आहे. या कालावधीत एफएल-१, एफएल-२, एफएल-३, एफएल/बीआर-२, सीएल-२, सीएल-३, सीएल/एफएल/टीओडी-३ व टीडी-१ या सर्व अनुज्ञप्ती बंद ठेवण्यात येणार आहेत. 

भारत निवडणूक आयोगाच्या निर्देशानुसार व उच्च न्यायालय खंडपीठ औरंगाबाद यांच्या दि. १६.०६.२०२६ रोजीच्या आदेशानंतर हा (Hingoli Dry Day) सुधारित आदेश जारी करण्यात आला आहे. आदेशाचे उल्लंघन करणाऱ्या अनुज्ञप्तीधारकांवर महाराष्ट्र दारूबंदी कायदा १९४९ नुसार कठोर कारवाई करण्यात येईल व त्यांचा परवाना रद्द करण्यात येईल, असा इशाराही जिल्हाधिकाऱ्यांनी दिला आहे. बंदच्या काळात अवैध मद्यविक्री होणार नाही याची दक्षता घेण्याच्या सूचना उत्पादन शुल्क विभागाला देण्यात आल्या आहेत.