हिंगोलीत राम कदम यांच्या निवासस्थानी रामप्रसाद बोर्डीकर यांचा सत्कार

हिंगोली : परभणी-हिंगोली जिल्हा मध्यवर्ती सहकारी बँक निवडणुकीच्या पार्श्वभूमीवर रामप्रसाद बोर्डीकर यांनी हिंगोली येथे युवा सेना जिल्हाप्रमुख रामभाऊ कदम यांच्या निवासस्थानी सदिच्छा भेट दिली.

यावेळी रामप्रसाद बोर्डीकर, आमदार संतोष बांगर, जिल्हा मध्यवर्ती सहकारी बँकेचे नवनिर्वाचित संचालक भैय्या उर्फ राजेश पाटील गोरेगावकर, माजी नगराध्यक्ष दिलीप चव्हाण तसेच माजी नगरसेवक बाबुराव कदम यांचा युवा सेना जिल्हाप्रमुख रामभाऊ कदम आणि नगरसेवक श्यामभाऊ कदम यांच्या वतीने शाल, श्रीफळ व पुष्पगुच्छ देऊन सत्कार करण्यात आला.

या प्रसंगी कळमनुरीचे नगराध्यक्ष आर. आर. पाटील, उपनगराध्यक्ष शिवराज पाटील, युवा सेना उपजिल्हाप्रमुख मयूर शिंदे तसेच शिवसेना व युवा सेनेचे पदाधिकारी मोठ्या संख्येने उपस्थित होते.