ज्ञानेश धनंजय कुलकर्णी यास पदवी प्रदान !

हिंगोली (Academic Achievement) : येथील आदर्श महाविद्यालयाचा माजी विद्यार्थी व प्रा. धनंजय कुलकर्णी यांचे सुपुत्र चि. ज्ञानेश धनंजय कुलकर्णी यांनी मुंबईतील प्रसिद्ध एमईटी व्यवस्थापन महाविद्यालय, वांद्रे येथून प्रबंधक व्यवसाय व्यवस्थापन, कार्यसंचालन या शाखेत प्रथम क्रमांक पटकावून उल्लेखनीय यश संपादन केले आहे.

हिंगोली येथे शालेय शिक्षण पूर्ण केल्यानंतर त्यांनी छत्रपती संभाजीनगर येथून तंत्रज्ञान पदवी, यंत्र अभियांत्रिकी ही पदवी विशेष प्राविण्यासह प्राप्त केली. त्यानंतर मुंबईतून प्रबंधक व्यवसाय व्यवस्थापन, कार्यसंचालन शाखेत सर्वप्रथम येत त्यांनी गुणवत्तेची परंपरा कायम राखली आहे.

नुकताच वांद्रे, मुंबई येथील एमईटी परिसरात आमदार पंकज भुजबळ व प्रसिद्ध उद्योजक डॉ. ए. वेलुमनी यांच्यासह व्यवस्थापन मंडळाच्या प्रमुख सदस्यांच्या उपस्थितीत पदवीदान समारंभ संपन्न झाला. या समारंभात ज्ञानेश यांचा विशेष गौरव करण्यात आला.

सध्या ज्ञानेश कुलकर्णी सोलापूर येथील जीआरपी प्रायव्हेट लिमिटेड या कंपनीत सहायक व्यवस्थापक या उच्च पदावर कार्यरत आहेत. त्यांच्या या यशाबद्दल हिंगोली परिसरातून सर्वत्र अभिनंदन होत आहे.